Гэгээн дурсгалд| “BOOM”: Бидний бяцхан Төөгөө

Түүний гэгээн дурсгалд зориулав.

Бидний дундаас нэгэн од харван одов. Eguur.mn сайт энэ удаагийн “Boom” буландаа реппер, ая зохиогч, продюсер Lil Thug E-г онцолж байна.

-1991 оны арванхоёрдугаар сарын 7-нд Улаанбаатар хотод төрсөн.

-Түүний бага нас 11 сургуулийн урд талын 48-р байранд өвөө, эмээгийн хамт өнгөрсөн.

-Тэрээр Монгол Улсын их сургуулийг Микробиологич мэргэжлээр төгссөн.

-Гэсэн хэдий ч урлагийн замд эргэж буцалтгүй орж олны хайр хүндэтгэлийг хүлээсэн уран бүтээлч болж чадсан юм.

-Ахлах ангид байхдаа “Gandbonniz” хамтлагийг үүсгэн байгуулж Rap Dembee-д оролцдог байжээ.

-2011 онд "Лойчихсон бүлэг"-т нэгдэж уран бүтээлээ туурвих болсон.

-“Одоо”, “Хавар”, “Анзаарахгүй”, “Хайртай гэж хэлээч”, “Хүлээ” зэрэг олон, олон хит дуугаараа олны хүндлэлийг хүлээсэн.

-Зөвхөн реп хийхээс гадна дуулдаг, продюсер хийдэг, олон талын авьяастай.

-Тэр уран бүтээлийн хажуугаар яггүй сагсчин гэдгээ харуулсан.

-Тэрээр сонирхогчдын лиг болох “Friends league”-т олон жил тоглосон.

-Улирлын үнэ цэнтэй тоглогч ч болж байв.

-Түүнийг хүний хайлан байсныг бүгд мэднэ.

-Түүний хамгийн дотны хүн ээж нь байв.

-Ээжийн хайртай хүү тэрээр үгнээс нь нэг ч удаа зөрж үзээгүй гэдэг.

-Тэр үргэлж инээж явдаг гэгээн нэгэн байв.

-Түүний инээмсэглэл бидний сэтгэлийн гүнд хадгалаастай үлдэж байна.

-Шинээр төрөн гарч буй реппер дүү нараа хамгийн их дэмждэг, үлгэрлэдэг залуу тэр л байв.

-Тэрээр дууны үг, аяа өөрөө зохиодог уран авьяаслаг залуу байлаа.

-Түүний төлөө Монголын бүх репперүүд нэгдэж дуу гаргасан удаатай.

-Мөн урлаг соёлын одууд ч түүний төлөө л нэгдэж байв.

-Тэр нийгэмд маш их орон зайг эзэлсэн өөрийн өнгө төрхтэй уран бүтээлч байлаа.

-Тэр хийсэн уран бүтээл, гэрэлт инээмсэглэлээр бидний дунд үүрд оршсоор байх болно.

Энэ мэдээнд өгөх таны үнэлгээ

Хуваалцаарай Жиргээрэй