ДЭЛХИЙ
БНСУ: Согтуугаар тээврийн хэрэгсэл жолоодсон бол ажлаас чөлөөлнө
Өчигдөр буюу аравдугаар сарын 18-ны өдөр БНСУ согтуугаар жолоо барьсан иргэддээ тооцох хариуцлагын журмаа шинэчилжээ. Энэ нь өмнөх журмаа чангатгасан хувилбар аж.
Тодруулбал, шинэ журмын дагуу согтуугаар жолоо бариад саатуулагдсан төрийн байгууллагын албан хаагчийн цусан дахь спиртийн агууламж 0.2 хувиас дээш гарсан тохиолдолд шууд ажлаас чөлөөлөхөөр болсон байна. Энэ зохицуулалт тухайн иргэний анхны тохиолдол байсан ч үйлчлэх юм.
Харин цусан дахь спиртийн агууламж 0.08 хувиас дээш гарсан тохиолдолд ажлаас нь түдгэлзүүлэх, албан тушаал бууруулах арга хэмжээ авахаар журамд тусгажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.