Оюу толгой: TRQ-ийн хувьцаа эзэмшигчид өнөөдөр хуралдаж, компаниа худалдах эсэхээ хэлэлцэнэ
Арваннэгдүгээр сарын 1-нд TRQ буюу "Туркоиз Хилл Ресурс" компанийн хувьцаа эзэмшигчид хуралдаж, "Рио Тинто" группийн саналыг хүлээж авах эсэхээ эцэслэн шийдэхээр товлоод байна.
Эргэн сануулахад, "Рио Тино" групп нь TRQ-ийн 51 орчим хувийг эзэмшиж буй. Ийн үлдсэн 49 орчим хувийн хувьцааг худалдан авч, тус компанийг 100 хувь өөрийн болгохоор санал тавиад байгаа билээ. Хэрэв ингэвэл Оюу толгойн төсөлд Монголын Засгийн газар, "Рио Тинто" групп үлдэж, TRQ-ийн жижиг хувьцаа эзэмшигчдийн оролцоо, хяналт байхгүй болох магадлалтай.
"Оюу толгой" ХХК-ийн Гүйцэтгэх захирал Дэйрдрэ Лингенфэлдерийн хувьд энэ худалдан авалт хийгдвэл уурхайн үйл ажиллагаа, бүтээн байгуулалтын явцад ямар нэг нөлөө үзүүлэхгүй гэж байр сууриа илэрхийлсэн.
"Рио Тинто" группийн зүгээс 3.3 тэрбум ам.долларын саналаа эцсийнх, дүнг дахин нэмэгдүүлэхгүй хэмээгээд буй.
Харин "Туркоиз Хилл Ресурсес"-ийн жижиг хувьцаа эзэмшигчид болох “Pentwater Capital Management” болон “SailingStone Capital” компаниуд 3.3 тэрбум ам.долларыг бага гэж үнэлсэн. Оюу толгойн төслөөс ирээдүйд хүртэх үр ашгийг дутуу тооцсон гэж үзэж буй учраас "Рио Тинто"-д татгалзсан санал өгөхөөр байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ нэн асуудал шийдэгдэхгүй мөн ч олон сар жил боллоо доо
Ng ch boltugai asuudal ni shiidegdeh ni ashtai yu daa
Тэгмээрсэндээ
Owooo doo mon ch ih udlaadaaa
ashgvi ashgvi