Хөлбөмбөгийн ДАШТ-ий шөвгийн наймд шалгарч чадаагүй Испанийн шигшээ багийн менежер Луис Энрике ажлаа хүлээлгэн өгөхөөр болжээ.
Луис 2018 онд Испанийн шигшээ багийн менежерийн ажлыг хүлээн авч байсан юм.
Испанийн хөлбөмбөгийн холбооноос "Бид Луис Энрике болон түүний дасгалжуулагч нарт талархал илэрхийлмээр байна" хэмээн мэдэгджээ.
Харин хөлбөмбөгийн фанатуудын хувьд хэн орыг нь залгах бол гэдэг нь хамгийн ихээр сонирхлыг нь татаж байгаа зүйл юм. Энэ талаар BBC агентлагт дараах мэдээллийг өгчээ.
Испанийн Хөлбөмбөгийн Холбоо тус албыг Луис де ла Фуэнтед санал болгосон байна. Луис де ла Фуэнте нь одоогоор Испанийн хөлбөмбөгийн залуучуудын багт дасгалжуулагчаар ажиллаж байгаа ажээ.
Тус улсын хөлбөмбөгийн холбооны удирдах зөвлөл ирэх даваа гарагт хуралдаж, Луис де ла Фуэнтегийн томилгоог хийх эсэхийг шийдэх юм байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.