Гадаад мэдээДЭЛХИЙКатар 2022СПОРТ

Катар 2022: Энэ жилийн ДАШТ-ий крашууд

Шинэ жил хаяанд ирж буй энэ үед хөлбөмбөгийн ДАШТ болж буй нь анхны тохиолдол билээ. Тэр хэрээр өвөл хийгээд нойр, цагийн зөрүүг л харгалзан дэлхий даяар хөлбөмбөгийн тэмцээнд л анхаарал хандуулж буй. Хэдийн шөвгийн дөрвөн баг тодорсон энэ цаг үед ДАШТ-ий онлох тамирчдыг дурдъя. Ингэхдээ энгийн нэгэн онцлох бус дэлхий даяар олон хүний хайрыг татаж буй ТОП-5 тамирчны талаарх мэдээллийг хүргэж байна.

1.Чой Гюү Сон

Өмнөд Солонгос улсын шигшээ багийн 9 дугаартай тоглогчийг дурдахгүй байх аргагүй. Түүний хувьд анхны ДАШТ нь бөгөөд энэ үеэрээ ч олны анхааралд өртсөн юм. Учир нь Өмнөд Солонгос улсаас ДАШТ-д нэг тоглолтод хоёр гоол дараалж оруулсан анхны тоглогч болсон бөгөөд Гана улстай хийсэн тоглолтод оруулсан дээрх хоёр гоол нь багаа хасагдах шатны 16-д үлдэхэд гол нөлөө үзүүлсэн.

Солонгос кино, К-РОР дуу дэлхий дахиныг байлдан дагуулж буй энэ үед түүний спортын ур чадвараас гадна гаднах төрх нь олон нийтийн хараанд өртөхөд нь нөлөөлсөн байна. ДАШТ-ий хасагдах 16 багийн нэгээр Өмнөд Солонгос улсын шигшээ баг тодорсны дараа түүний Инстаграм хаягийг дагагч хоёр сая болж нэмэгджээ.

FIFA World Cup 2022: Cho Gue-sung breakout, South Korean player goes viral,  fancam, links to Postecoglou and Celtic, Cristiano Ronaldo incident

Төрсөн огноо: 1998.01.25

Төрсөн газар: Өмнөд Солонгос, Кёнги аймаг

Өндөр: 189 см

Instagram: https://www.instagram.com/whrbtjd/

2.Жюд Беллингем

Английн шигшээ баг харамсалтайгаар шөвгийн дөрөвт үлдэж чадаагүй. Гэсэн хэдий ч тус шигшээ багийн онцлох тоглогч бол хагас хамгаалагч Жюд Беллингем юм. Түүнийг гоц авьяастан ч гэдэг. Энэ удаагийн ДАШТ-д Английн шигшээ багаас анхны гоолыг оруулсан бөгөөд тэмцээний хамгийн залуу тоглогчдын нэг.

Английн бус лигээс ганц тоглогчийг шигшээ багт оруулсан нь Жюд юм. Тэрбээр Дортмундын "Борусси"-д харьяалагддаг билээ. 2020 онд 17 настайдаа "Бирмингем"-ийн академиас Германыг зорьсон бөгөөд тухайн үед түүнийг 23 сая еврогоор үнэлсэн байдаг.

Break the bank for Bellingham! Which club needs to sign England's wonderkid  the most? | Goal.com English Qatar

Төрсөн огноо: 2003.06.29

Төрсөн газар: Англи, Стаурбриж

Өндөр: 186 см

Инстаграм: https://www.instagram.com/judebellingham/

3.Родриго де Пол

Аргентины шигшээ багийн 7 дугаартай хагас хамгаалагч Родриго де Полыг хамгийн царайлаг хөлбөмбөгчдийн тоонд оруулдаг. "Atletico Madrid" клубтай 2026 он хүртэлх гэрээг байгуулсан билээ. Өмнө нь "Udinese" клубт харьяалагдаж байсан юм. Түүнийг "Athletico Madrid" клуб элсүүлж авахын тулд 35 сая еврог "Udinese"-д төлж байжээ.

Rodrigo De Paul y sus pedidos para el mundial Qatar 2022: ¿cuáles son? |  Canal 26

Төрсөн огноо: 1994.05.24

Төрсөн газар: Аргентин, Саранди

Өндөр: 180 см

Инстаграм: https://www.instagram.com/rodridepaul/

4.Килиан Мбаппе

"ОХУ 2018" хөлбөмбөгийн ДАШТ-д багаа түрүүлэхэд чухал үүрэг гүйцэтгэсэн Мбаппе тухайн үедээ ч олны хайрыг татсан билээ. Тэгвэл энэ жилийн ДАШТ-д ч энэ амжилтаа хадгалсаар. Францын шигшээ багийн довтлогчийн байрлалд тоглож буй 10 дугаартай тэрбээр дэлхийн хамгийн үнэтэй тоглогчдын нэг. Дэлгэрүүлбэл, 18 насандаа "Paris Saint Germain" клубтай 180 сая еврогийн урт хугацааны гэрээ хийсэн билээ.

Тэрбээр тус клубт 18 сард 46 тоглохдоо 39 гоол оруулж, 26 гоолын дамжуулалт хийсэн гэх гайхалтай амжилттайгаар Катарыг зорьсон юм. Францын шигшээ баг Английн шигшээ багийг хожсоноор шөвгийн дөрөвт шалгарсан билээ.

Sky's The Limit as France's Kylian Mbappe Eyes Place in History

Төрсөн огноо: 1998.12.20

Төрсөн газар: Франц, Парис

Өндөр: 178 см

Инстаграм: https://www.instagram.com/k.mbappe/

5.Доминик Ливакович

Хорват улсын шигшээ багийн 1 дугаартай тоглогч, хаалгач Доминик энэ удаагийн ДАШТ-ий хамгийн шилдэг мэдрэмжтэй тоглогчийн нэг. Түүний авьяас чадварын ачаар Хорватын шигшээ баг дэлхийн аваргуудыг мулталсаар шөвгийн дөрөвт шалгарсан юм. Энэ нь ч түүнийг олны хайрыг хүртэхэд хүргэжээ.

Хорватын шигшээ баг F хэсэгт Марокко болон Бельгитэй тэнцэж, Канадыг 4:1 харьцаатайгаар ялсан билээ. Улмаар хасагдах шатны 16-гийн тоглолтод Японтой учраа таарч 1:1 харьцаатайгаар тэнцэж пеналт цохьсон юм. Энэ үеэр 3:1 харьцаатайгаар Японыг буулгаж авсан. Харин шөвгийн наймын тоглолтод Бразилтай учраа таарч мөн л 1:1 харьцаатайгаар тэнцэж, пенальт цохисноор 4:2-ын харьцаатайгаар шөвгийн дөрөвт шалгарсан юм.

Доминик хасагдах шатны хоёр удаагийн тоглолтод сайн хамгаалж, багаа шөвгийн дөрөвт авч ирсэн билээ.

Mundial Japón-Croacia | Livakovic, el héroe de Croacia que aprendió desde  el banquillo: "Hizo un milagro"

Төрсөн он: 1995.01.09

Төрсөн газар: Хорват, Задар

Өндөр: 187 см

Инстаграм: https://www.instagram.com/dominiklivakovic40/

Энэ мэдээнд өгөх таны үнэлгээ
Like
Love
Haha
Wow
Sad
Angry

Н. Анужин

МУИС-ийн Сэтгүүл зүй, олон нийтийн харилцааны тэнхмийг 2021 онд сэтгүүлч мэргэжлээр төгссөн. "Uguumur media" агентлагийн харьяа myuvs.mn сайт, "Увс нам бус телевиз"-д ажиллаж байсан. "Өглөөний сонин"-д Нийгэм, соёл, эдийн засгийн албаны сэтгүүлчээр ажиллаж байсан.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-12-12 08:28

Дэлхийн гайхамшгууд.

Зочин
Зочин
2022-12-12 10:09

Хорватын ха�##�гач Ливакович их хөөрхөөн

Холбоотой мэдээ

Back to top button