Барууны төдийгүй дотоодын уран бүтээлд дүр бүтээж буй А.Баярцэцэгийн тоглосон "The Power" кино өнөөдөр орой дэлхий нийтэд цацагдах билээ.
"Amazon Studios"-ийн уг цуврал нь 10 ангитай бөгөөд триллер төрлийнх юм. Тус кинонд дэлхийг эмэгтэйчүүд удирддаг бөгөөд тэд супер хүчтэй ажээ. А.Баярцэцэгийн хувьд цахилгаан охины дүрийг бүтээдэг байна. Тэр Молдав улсын тэргүүний туслах эмэгтэйн дүрд тоглодог ажээ.
Тэрбээр тайланд бүсгүйн дүрд тоглох байсан ч кино багийнхан монгол гэдгийг нь мэдсэний дараа дүрийг монгол болгож өөрчилсөн байна. Мөн дүртэй холбоотойгоор нэрийг нь Солонго болгон өөрчилсөн юм. Түүний дүр дөрвөн ангийн турш гардаг.
Тэгвэл кино багийнхан хэдхэн цагийн өмнө киноны эхний хоёр ангийг үзсэн байна.
Эл бүтээлийг Наоми Алдермэний 2016 онд хэвлүүлсэн ижил нэрт зохиолоос сэдэвлэсэн байдаг. Уг номыг АНУ-ын Ерөнхийлөгч асан Барак Обама онцлох номоороо нэрлэж байсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.