Гадаад мэдээДЭЛХИЙ

Украинд тулалдаж буй хөлсний армийн нэг дарга Норвеги руу зугтжээ

Украинд үүрэг гүйцэтгэж буй ОХУ-армийн багагүй хэсгийг “Вагнер” компанийн хөлсний дайчид бүрдүүлж байгаа билээ. Энэхүү хөлсний дайчдын армиас нэг удирдах офицер Норвеги руу зугтан гарсан мэдээлэл шуугиан тариад байна. Норвегийн “Aftenposten” сонин компанийн захирал Евгений Пригожиноос энэ талаар тодруулахад мэдээллийг баталсан байна. “Вагнер” компанийн шилдэг офицеруудын нэг Андрей Медведев одоо Норвегид байгаа гэж тэрбээр хэлжээ.

"Тийм ээ, Андрей Медведев Норвегийн иргэншилтэй байсан учраас манай “Нидхёг” Норвегийн батальонд ажиллаж байсан нь үнэн. Хоригдлуудтай зүй бусаар харьцсан учраас  яллах гэж байсан юм. Дэлгэрэнгүй мэдээллийг "Вагнер" компанийн аюулгүй байдлын албанаас авах боломжтой. Бид түүний үйлдсэн хэргийг Оросын хууль сахиулах байгууллагуудад шилжүүлэхээр бэлтгэсэн. Одоогийн байдлаар тэрээр эрэн сурвалжлагдах хүмүүсийн жагсаалтад багтсан байна. Болгоомжтой байгаарай, тэр маш аюултай шүү" гэж тэрбээр Норвегийн сонинд ярьжээ.

Андрей Медведев

А.Медведев өөрөө харин 2022 оны долдугаар сарын 6-нд дөрвөн сарын гэрээ байгуулсан,  хугацаа дууссаны дараа мөрөө хөөсөн гэж байгаа юм. Тэрбээр Украины талд урвасан хэргээр цаазлуулж дуулиан шуугиан тарьсан “Вагнер”-ын байлдагч  Евгений Нужины дарга байсан гэж өөрийгөө ярьж яваа бөгөөд "Вагнер", В.Пригожин нарын хууль бус үйлдлүүдийг илчлэхэд бэлэн гэж буй юм.

Тухайлбал, арваннэгдүгээр сарын 12-нд телеграм сувгуудаар Е.Нужиныг лантуугаар цаазалж буй бичлэг гарч, олон улсад шуугиан тарьсан. А.Медведев олон улсын шүүхэд энэ хэргийн талаар мэдүүлэг өгөхөд бэлэн гэж мэдэгдээд байна.

Энэ мэдээнд өгөх таны үнэлгээ
Like
Love
Haha
Wow
Sad
Angry

Х. Батсайхан

Сэтгүүлч, орчуулагч мэргэжилтэй. Сэтгүүл зүйн салбарт 19 дахь жилдээ ажиллаж байна. МСНЭ-ийн "Ган үзэгтэн" шагналтай, "Хэвлэл мэдээллийн тэргүүний ажилтан", "Санхүү, банкны тэргүүний ажилтан" цол тэмдэгтэй.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button