НИЙГЭМНийгэм мэдээСПОРТ

Австралийн шигшээ дараагийн шатанд шалгарч, Монголын баг талбайдаа хоёр хожигдлоо

Азийн хөлбөмбөгийн холбооны эмэгтэйчүүдийн 17 хүртэлх насны Азийн цомын тэмцээний урьдчилсан шатны В хэсгийн тоглолтыг манай улсад зохион байгуулж байгаа билээ.

Тус хэсэгт Австрали, Тайвань болон манай улсын шигшээ багууд хоорондоо өрсөлдсөн юм.

Дөрөвдүгээр сарын 24-нд эхэлсэн уг тэмцээн Австралийн эсрэг Монголын шигшээ багийн хооронд эхэлсэн юм. Австралийн шигшээ багийн охид тоглолтын эхнээс санаачилгыг гартаа авч, тоглолтын үндсэн цагт 11:0 харьцаатайгаар ялалт байгуулсан билээ.

May be an image of 1 person, playing soccer, playing football and text

Харин тоглолтын хоёр дахь өдөр буюу дөрөвдүгээр сарын 26-ны өдөр манай улсын шигшээ баг Тайванийн эсрэг тоглов. Энэ нь хэсгийн сүүлийн тоглолт байсан юм. Тэмцээний эхний үед Тайванийн баг нэг гоол оруулж, хоёрдугаар хагаст хоёр гоол оруулав. Ийнхүү Тайванийн шигшээ баг 3:0 харьцаатайгаар Монголын шигшээг буулгаж авч, тэмцээнээ өндөрлүүллээ.

May be an image of 5 people, people playing soccer, people playing football and text

Урьдчилсан шатны сүүлийн тоглолт дөрөвдүгээр сарын 28-ны өдөр Австрали болон Тайванийн шигшээ багийн хооронд өрнөв. Тэдний хожсон нь дараагийн шатанд шалгарах байлаа. Учир нь хоёр баг нэг нэг хожилтой байсан юм.

May be an image of 5 people, people playing soccer, people playing football and text that says 'FEDERATION 4 ENTES AUS MFF molten'

Тоглолтын эхний үед Австралийн шигшээ баг нэг гоол оруулав. Харин хоёрдугаар үед хоёр гоол оруулснаар Тайванийн шигшээ багийг буулган авсан юм. Ингэснээр Австралийн 17 хүртэлх насны шигшээ баг дараагийн шатанд шалгарлаа.

May be an image of 6 people, people playing soccer and text

Манай улсын шигшээ багийн хувьд анх удаагаа олон улсын тэмцээнд оролцсон тохиолдол байлаа. Тэднийг ирэх наймдугаар сард Зүүн Азийн залуучуудын наадам хүлээж байгаа билээ. Уг наадмыг Монгол Улсад зохион байгуулах юм.

Энэ мэдээнд өгөх таны үнэлгээ
Like
Love
Haha
Wow
Sad
Angry

Н. Анужин

МУИС-ийн Сэтгүүл зүй, олон нийтийн харилцааны тэнхмийг 2021 онд сэтгүүлч мэргэжлээр төгссөн. "Uguumur media" агентлагийн харьяа myuvs.mn сайт, "Увс нам бус телевиз"-д ажиллаж байсан. "Өглөөний сонин"-д Нийгэм, соёл, эдийн засгийн албаны сэтгүүлчээр ажиллаж байсан.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Gana
Gana
2023-04-30 23:40

Sain uu?Usyg ni jaahan shahval zvgeer bnaa.Zaluu setgvvlchiin nvd hurts,vg helleg yaruu bh boltugai

Зочин
Зочин
2023-05-01 19:00

Үргэлж л хожигддог шд

Холбоотой мэдээ

Back to top button