41 мянган иргэнд 2022 оны НӨАТ /Нэмэгдсэн өртгийн албан татвар/-ын буцаан олголтын урамшуулал нэг тэрбум төгрөг олгогдоогүй байна.
Тиймээс НӨАТ-ын буцаан олголтоо аваагүй байгаа иргэд 2023 оны зургаадугаар сарын 30-ны өдрөөс өмнө баталгаажуулахыг Татварын ерөнхий газраас санууллаа.
Ингэхдээ /ebarimt.mn/-д бүртгүүлсэн дансны мэдээллээ, өөрийн харилцагч банкнаас "Монгол банкны Дансны нэгдсэн сан”-д хүргүүлсэн мэдээлэлтэй тулган шалгаж, зөрүүтэй тохиолдолд залруулах, буцаан олголтын урамшуулал авах хүсэлтээ EBARIMT системд зургаадугаар сарын 30-ны өдрийн дотор гаргаж, баталгаажуулах аж.
Хэрэв дээрх хугацаанд мэдээллээ залруулж, урамшууллаа авах хүсэлтээ гаргаагүй бол таны 2022 оны НӨАТ-ын урамшуулал цуцлагдаж, санхүүжилт нь улсын төсөвт орохыг анхаарууллаа.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.