БНСУ-ын модель Ssun Biki нар манай улсад дахин зураг авалт хийхээр 10 хоногийн дараа ирнэ

Н. Анужин1 долоо хоног

8 1 минут уншина

Гэрэл зургийг О.Улсболд, "Цагаан суварга", Дундговь аймаг.

Манай улс "Welcome to Mongolia" хөтөлбөр хэрэгжүүлж, улмаар энэ жил нэг сая жуулчин эх орондоо хүлээн авахаар зорьж буй. Тэгвэл энэ зуны халуухан сэдвүүдийн нэг болсон БНСУ-ын модель, загвар өмсөгч дөрвөн эмэгтэйн аялал олны анхаарлыг татсан.

Тэднийг Tourade (Гүн-Үүл тоур ХХК) аялал жуулчлалын компани санал тавин авч ирсэн билээ. Тэдний зүгээс анхалж говь нутгаар явах хүсэлтэйгээ илэрхийлсэн байдаг. Үүний дагуу Дундговь аймгийн "Цагаан суварга" байгалийн үзэсгэлэнт газарт зураг авалтаа хийсэн билээ.

Манай сайтын хийсэн дүрст сурвалжилгыг та бүхэнд хүргэе.

Тухайн загвар өмсөгчид БНСУ-д Монгол орны аялал жуулчлалын онцлогийг сурталчлах үүднээс зуны зураг авалтаа дуусгаад явсан байдаг. Улмаар намар болон өвлийн зураг авалтаа үргэлжлүүлэн манай улсад хийх юм.

Тэгвэл тэд манай улсад удахгүй ирэх гэж байна. Тодруулбал, энэ сарын буюу есдүгээр сарын 24-ний өдрөөс 30-ны өдрийг хүртэл зураг авалттай ажээ.

Зураг авалтынхаа хүрээнд Монгол орны намрын өнгө, онцлогийг харуулахын тулд хангайн бүс нутгаар явахаар төлөвлөсөн байна.

Энэ мэдээнд өгөх таны үнэлгээ

Хуваалцаарай Жиргээрэй

Таг

Н. Анужин1 долоо хоног

8 1 минут уншина

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.