Зэсийн үнэ сүүлийн зургаан сард анх удаа 8000 ам.доллароос уруудаж, 7910 ам.долларт хүрлээ. Энэ нь хавраас хойших түүхэн доод хэмжээ юм.
Зэсийн үнэ 0.48 хувиар буурч, эдийн засгийн өсөлт болон нөөцийн өсөлтөд голлон нөлөөлсөн байна. Гэсэн хэдий ч цаашид өсөх төлөв ажиглагдаж эхэлжээ.
Олон улсын зэсийн судалгааны групп энэ онд дэлхийн зэсийн зах зээл 27 мянган тоннын алдагдалтай байгаа хэмээсэн юм. Харин 2024 онд 467 мянган тоннын ашигтай байх төлөвтэй гэх тооцоог гаргажээ.
Түүнчлэн цэвэршүүлсэн зэсийн хэрэглээ 2023 онд хоёр хувиар өснө гэж таамаглаж байгаа аж. 2024 онд үйлдвэрлэлийн өсөлт, эрчим хүчний шилжилтийн өсөлтийн улмаас цэвэршүүлсэн зэсийн хэрэглээг 2.7 хувиар өснө гэж тооцоолж байна.
Ирэх жилээс худалдаа, аж үйлдвэрлэл эрчээ авах тул зэсийн үйлдвэрлэл дэлхий даяар 4.6 хувиар өсөх төлөвтэй байгаа ажээ. Хятадын электролитийн хүчин чадал, Индонез, Энэтхэг, АНУ-д шинэ хайлуулах болон боловсруулах үйлдвэрүүд нээгдэх зэрэг нь ирэх онд зэсийн үнийгөсгөх гол нөлөө хэмээн олон улсын шинжээчид таамаглаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.