-Эрхэт Тэгри Шагай баг цувралын харьцааг 1:1 болгон тэнцүүллээ-
МСБХ-ны М Хөгжлийн Лигийн эмэгтэй плей-оффын эхний шатанд учраа таарсан Эрхэт Тэгри Шагай болон Ондилт Шутис Шаркс багуудын цуврал 1:1 болон тэнцэж дараагийн тоглолтонд хожил авсан баг том давуу талыг авах юм. Эрхэт Тэгри Шагай баг М Хөгжлийн Лигийн эмэгтэй багуудыг улирлын амжилтаар тэргүүлж хүснэгтийн тэргүүн байраар гарсан бөгөөд хүснэгтийн дөрөвдүгээр байраар шалгарсан Ондилт Шутис Шаркс багтай эхний шатанд тааран тоглож байгаа билээ.
Цувралын эхний тоглолтын эхний гурван үед Эрхэт Тэгри Шагай баг багаараа жигд тоглолтыг үзүүлж 10 оноо илүүтэй дуусгасан. Гэвч шийдвэрлэх дөрөвдүгээр үед Ондилт Шутис Шаркс баг хамгаалалт довтолгоогоонд маш нямбай сайн тоглолтыг үзүүлж Г.Гантунгалаг болон Б.Мичид нар дараалласан довтолгоонууд 21-6 гэсэн онооны давууг үүсгэж эхний тоглолтонд хожил байгуулж цувралыг тэргүүлж эхэлсэн юм.
Эхний тоглолтонд Ондилт Шутис Шаркс багаас Г.Гантунгалаг 16 оноо авч бүх тоглогчдыг тэргүүлсэн бөгөөд багийн хамтрагч Б.Мичид 14 оноо 13 самбар авч хожил байгуулахад чухал үүргийг гүйцэтгэсэн билээ.
Цувралын хоёр дахь тоглолтод Эрхэт Тэгри Шагай баг тэхникийн хожил авч цувралын харьцааг тэнцүүллээ. Хоёр багийн аль хожсон нь цувралыг тэргүүлэх чухал тоглолт ирэх амралын өдрүүдээр буюу энэ сарын 30-нд Спортын төв ордонд болох юм.
-Хөвсгөл Капитан багийн тоглолгч Д.Отгонзаяа 38 оноо авч цувралыг тэнцүүллээ-
МСБХ-ны М Хөгжлийн Лигийн эмэгтэй плей-оффын эхний шатанд учраа таарсан Баянгол Мон Пон болон Хөвсгөл Капитан багуудын цувралын харьцаа 1:1 болон тэнцлээ. Баянгол Мон Пон баг нь улирлыг /10-4/ гэсэн амжилттай хүснэгтийн хоёрдугаар байраар плэй-оффт шалгарсан бөгөөд улирлыг /9-5/ гэсэн амжилттай дуусгасан хүснэгтийн гуравдугаар байраар шалгарсан Хөвсгөл Капитан багтай таарч тоглож байгаа юм.
Хоёр багийн цувралын эхний тоглолтын гуравдугаар үе хүртэл Хөвсгөл Капитан багийн онооны илүүтэй явж байсан хэдий ч тоглолтын дөрөвдүгээр үед Баянгол Мон Пон баг тэр тусмаа багийн хамгаалан тоглогч М.Анужин оновчтой болгосон довтолгоонууд нь эцсийн мөчид хожил байгуулж цувралыг 1:0 харьцаатай тэргүүлж эхэлсэн.Эхний тоглолтонд Баянгол Мон Пон багийн хамгаалагч М.Анужин 22 оноо авч багаа оноо авалтаар тэргүүлсэн бол багийн хамтрагчид болох Н.Намуундарь 19 оноо мөн А.Хонгорзул 15 оноо авч хожил байгуулахад том нөлөө үзүүлсэн юм.
Цувралын хоёр дахь тоглолт Хөвсгөл Капитан багийн хүссэнээр эхлээгүй бөгөөд эхний үед Баянгол Мон Пон баг 21 оноо илүү дуусгаж тэр эрчээрээ явсаар эхний хагасыг ч онооны илт давуу байдалтай дуусгасан. Харин тоглолтын гуравдугаар үеэс эхлэн Хөвсгөл Капитан баг онооны зөрүүг бага багаар ойртуулсаар мөн Хөвсгөл Капитан багийн хамгаалан тоглогч Д.Отгонзаяа дараалсан оноонуудыг авч 21 оноог барьж өөрсдөө 10 онооны зөрүүтнй хожил байгуулсан юм. Тус тоглолтод Хөвсгөл Капитан багийн хамгаалагч Д.Отгонзаяа 38 оноо авсан нь М Хөгжлийн Лигийн нэг тоглолтонд хамгийн олон оноо авсан эмэгтэй тоглогч болж шинэ амжилтыг тогтоосон бөгөөд сэлгээнээс багийн хамтрагч Ж.Бямбажав 13 оноо 18 самбар авсан нь X-FACTOR болсноор цувралын харьцааг тэнцүүлсэн билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.