Өмнөд Солонгосын уран бүтээлчид болох МС Sniper, Bloo, Ким Хюн Жүн нар манай улсад ирж "Your Valentine" тоглолтод оролцсон билээ. Тоглолтод зориулсан хэвлэлийн хурлын үеэр MС Sniper: Би маш их баяртай байна. Намайг тоглолтод урьж оролцуулсанд талархаж байна. Яагаад гэвэл би Монгол Улс руу аялахаар ирэх бодолтой байсан юм. Би Монголын хип-хоп урлагт хайртай. Big Gee намайг харж байна уу гэсэн билээ.
Тэгвэл өнөөдөр /2024.02.19/ Big Gee болон MC Sniper нар уулзалдаж, цаашдын уран бүтээлээ ярилцжээ.
-MС Sniper гэж хэн бэ-
MC Sniper гэх уран бүтээлчийн нэрээрээ алдаршсан Ким Жун Ёо нь 1979 оны хоёрдугаар сард мэндэлжээ. Тэрбээр Өмнөд Солонгосын хип хоп урсгалын анхны үеийн рэпперүүдийн нэг юм.
Солонгост тус урсгалыг дэлгэрүүлэхэд оролцсоноос гадна MC Sniper нь “Buddha Baby” нэртэй хип хоп хамтлагийн ахлах бөгөөд “Sniper Sound” гэх дуу бичлэгийн компанийг 2004 онд үүсгэн байгуулжээ.
Тэрбээр Солонгосын хип хоп урсгалын эх тавигдсан гэгддэг “Master Plan” нэртэй клубт дуулж карьераа эхлүүлсэн байна. 2000 онд цацагдсан “StarCraft” тоглоомд түүний “Revelation” нэртэй уран бүтээл орсноор MC Sniper олонд танигдах болсон юм.
MC Sniper 2002 онд “So Sniper” нэртэй хамгийн анхны цомгоо “Pony Canyon” энтертайнментын дор гаргаж дебютээ хийсэн байна. Тэрбээр хамгийн сүүлд “Album 1” нэртэй цомог өөрийнхөө “Sniper Sound” бичлэгийн компанийн нэр дор гаргажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ИЙНХҮҮ МОНГОЛЫН БИГЭЭ ДЭЛХИЙН ТОПД ОДДЫН ЖАГСААЛТАНД АЛБАН ЁСООР ОРЖ ИРЛЭЭ АМЖИЛТ ХҮСЬЕ