УЛС ТӨРУлс төрийн мэдээ

Ар гэрийн гачигдлаар хойшилсон "Ногоон автобус"-ны шүүх хурал өнөөдөр 10.00 цагт болно

"Ногоон автобус" худалдан авах ажиллагаатай холбоотой А.Ганхуяг нарын 24 хүнд холбогдох хэргийн шүүх хуралдаан өнөөдөр /2024.06.17/-нд Чингэлтэй дүүргийн эрүүгийн хэргийн анхан шатны шүүхэд болно.

Прокуророос “Нийслэлийн Засаг даргын Тамгын газар болон Худалдан авах ажиллагааны газрын эрх бүхий албан тушаалтнууд 2023 онд нийслэлийн өмчийн хөрөнгөөр 600 ширхэг автобус худалдан авах ажиллагааг зохион байгуулахдаа хууль зөрчиж, бусдад давуу байдал бий болгосон” гэх уг хэрэгт:

  • Эрүүгийн хуулийн 22.1 дүгээр зүйлийн 1, 3 /Эрх мэдэл, албан тушаалын байдлаа урвуулан ашиглах/,
  • 17.3 дугаар зүйлийн 2.2 /Залилах/,
  • 22.12 дугаар зүйлийн 1 /Хуулийн этгээдийн эрх мэдлийг урвуулан ашиглах/-д зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд шилжүүлж байв.

Тус хэрэгт УИХ-ын гишүүн Ж.Сүхбаатар, Нийслэлийн Засаг даргын ахлах зөвлөх Д.М, Худалдан авах ажиллагааны газрын Мэдээллийн технологийн хэлтсийн дарга Б.Т, Нийтийн тээврийн газрын дарга С.Ж нарын албан тушаалтнууд, Том оврын автобусны үйлчилгээ эрхлэгчдийн холбоо, “Тэнүүн-Огоо” ХХК-ийн албан тушаалтнууд болон БНСУ-ын хоёр иргэн нарын нийт 24 хүн холбогдоод байгаа юм.

А.Ганхуяг нарын 24 хүнд холбогдох хэргийн шүүх хуралдаан Чингэлтэй дүүргийн эрүүгийн хэргийн анхан шатны шүүхэд 2024.05.20-нд болох байсан.

Гэвч яллагдагчийн өмгөөлөгчдөөс ар гэрийн гачигдал болон эрүүл мэндийн байдлын улмаас шүүх хуралдааныг хойшлуулах хүсэлт ирүүлсэн. Уг хүсэлтийн дагуу шүүх хурал зургаадугаар сарын 17-ны 10:00 цаг хүртэл хойшилсон нь энэ юм.

Энэ мэдээнд өгөх таны үнэлгээ
Like
Love
Haha
Wow
Sad
Angry

П. Урнаа

Утга зохиол судлаач, сэтгүүлч мэргэжилтэй. Сэтгүүл зүйн салбарт зургаан жил ажиллаж байна. Улс төрийн сэдвээс гадна шүлэг бичдэг. “Зүрхний хэлээр” яруу найргийн түүвэр хэвлүүлсэн. Eguur.mn сайтын улс төрийн албаны модератор, редактораар ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
4 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2024-06-15 22:45

Шудрага ниигэм шүүх яг тохирсон хатуу ял өгдөг болжэээж монгол энэ өлөн нам дагасан хулгаачуудаасааа с�##�ж хөгжинө гэж

Зочин
Зочин
2024-06-16 08:00
Reply to  Зочин

Энэ худлаа шүү

Зочин
Зочин
2024-06-17 09:59

энэ асуудоыг хурдан шийдэж өгөөөч

Зочин
Зочин
2024-06-17 09:59

Hudlaaa naaduulchin sarnuilah geeed aisui

Холбоотой мэдээ

Back to top button