"Counter Strike 2" тоглоомын "ESL Pro League Season 20" тэмцээнд манай улсын The MongolZ баг тэмцээнээ өндөрлүүллээ.
The MongolZ багийн хувьд уржигдар /2024.09.17/ Playoffs шатны эхний тоглолтоо Германы BIG багийн эсрэг хийж, 2:1 онооны харьцаатай ялалт байгуулсан. Ингэснээр өчигдөр Туркийн Eternal Fire багийн эсрэг тоглох эрхтэй болсон. Playoffs шатанд таван удаа ялалт байгуулж чадвал "ESL Pro League Season 20" тэмцээний аварга багаар тодрох юм. Хожигдсон баг нь тэмцээнийг өндөрлүүлнэ.
The MongolZ, Eternal Fire баг хоорондоо ВО3 журмаар тоглож, эхний Mirage map дээр манай хөвгүүд нэмэлт үе гаргаж 15:13-ын харьцаатай хожсон. Энэ тоглолтод Senzu буюу М.Азбаяр 29 kill хийж багаа тэргүүлсэн юм.
Тэгвэл эсрэг багийн сонгосон Anubis дээр 9:13, шигшигдэж үлдсэн Inferno дээр 11:14 онооны харьцаатайгаар ялагдаж, манай улсын баг тэмцээнээ өндөрлүүлэв. Мөн 9-12 дугаар байрт бичигдэж, 23,500 ам.долларын шагналыг санг The MongolZ хүртэж байгаа аж.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.