Нийгмийн

Б.Болороо: Ерөнхий сайд аа, би таны амлалтад итгээд тэмцлээ зогсоосон. Гэвч…

Иргэн Б.Болороогийн нөхөр Б.Бат-Амгалан “Хишиг арвин индустриал” ХХК-д ажиллаж байхдаа лифтны хонгилд унаж нас барсан харамсалтай хэрэг өнгөрсөн зургадугаар сард гарсан. Шүүх эмнэлгээс талийгаачийг нас барах үед согтолтын зэрэг нь 2.4 байсан гэх дүгнэлт гаргасан нь хэргийг хаах үндэслэл болоод буй. Талийгаачийн эхнэр Б.Болороо үүнийг үгүйсгэн, хэргийг үнэн зөв, шударгаар шийдэхийг шаардан Сүхбаатарын талбайд ээжтэйгээ хамт суулт зарласан.

Суултын үеэр Ерөнхий сайд У.Хүрэлсүх талбайд очиж, түүнийг суултаа зогсоохыг хүсэн, уг хэргийг үнэн зөвөөр шийдвэрлүүлэх ямар ч боломж байгааг судална гэж амласан юм.  Тухайн үед Ерөнхий сайд У.Хүрэлсүхийг энгийн иргэнээ сонслоо, элгэн халуун сэтгэл гаргалаа гэж олон нийт сайшааж байв. Улмаар иргэн Б.Болороо суултаа зогсоож, хэргийг үнэн зөвөөр шийднэ гэдэгт итгэж буйгаа илэрхийлсэн юм.

Гэвч өчигдөр өөрийн нүүр хуудсандаа “Ерөнхий сайд шаардлагыг маань хүлээж аваад яг 30 хонолоо.Шүүх эмнэлгийн дүгнэлт ч гараагүй байна.Өөрөө анхааралдаа авч байгаа ч гүйцэтгэх албаны хүмүүс түргэн ажиллаж өгөхгүй бол ингээд л мартагдах нь, сунжрах нь. Иймд ХАРИУЦСАН ХҮМҮҮСТ НЬ ДАХИН САНУУЛЖ, АЛЬ БОЛОХ ЯАРАВЧЛУУЛЖ ӨГӨӨЧ ГЭЖ ХҮСМЭЭР БАЙНА.

Худлаа мэдээлэлд нь итгэж нөхрөө гадуур хайж яваад нохойноос ч дор үхлээр өтөж өмхийрүүлж алдсан, Сонгино хайрхан дүүргийн цагдаад итгэн гурван сар амаа үдүүлж суугаад нөхрөө АРХИЧИН МЭТ, АРХИНЫ ХАЛУУНДАА ӨӨРӨӨ ХИЙХ ЁСГҮЙ АЖЛАА ДУРАНДАА ХИЙСЭН мэт нэр зүүлгэх болсон хүнд одоо ХҮЛЭЭЛТ гэх зүйл байхгүй. 30 хоног тэвчлээ. Мэдээж хугацаа шаардагддаг л байх гэхдээ хүлээж суугаа надад хэцүү байна. Тэсгэл алдаад Ерөнхий сайд У.Хүрэлсүх рүү мессиж илгээлээ” гэж бичжээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

19 Сэтгэгдэл

  1. huuliihan , uuchlaarai urd ni bi buruu dugnelt gargachihjee gej heleh uu, ulger shtee. ergej tsogtsiig uhaj gargaad zadlan dahij hiideggui l yum bol uurchluhud hetsuu bhaa. ene huuhdiig ingeed deerelheed bj bolomgui yum daa. mongol oron huuligui bolson gej hejehed bolhoor boljee. engiin nomhon humuusiig yaj horij daramtalj hereg tulgaj bgaa bol doo. yalzarsan tur gej ene l bh

  2. Бүх л бүтэн худ####ч хулхидагчдын армийн удирдагч Хүрэлсүхэд итгэж байдаг гүйээ мөн гэнэн байна даа Болороо

  3. Хүрэлсүх ямар шүүх эмнэлгийн дүгнэлт гаргах биш бас нөлөөлж болохгүй шүү дээ хууль мэдэхгүй хүмүүс хэцүү юм даа

  4. Энэ ерөнхий сайд доод хүмүүстээ л үүрэг өгнө нөгөө нөхдүүд нь ажлаа хийхгүй яваад байв#### хэцүү л юм байна. Удах тусам хэрэг улам л замхарна

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Back to top button