Өнөөдөр дэлхийн аварга Моллаей Саеид Монголын нэрийн өмнөөс анх удаа барилдана
БНХАУ-д үргэлжилж буй “World masters” тэмцээний эхний өдөр буюу өчигдөр Монголын 10 жүдоч барилдсанаас Г.Хэрлэн, Г.Наранцэцэг нар мөнгө, Ё.Басхүү хүрэл медаль хүртэн, М.Уранцэцэг V байрт шалгарсан.
Тэмцээний хуваарийн дагуу өнөөдөр эрэгтэйчүүдийн 73, 81, эмэгтэйчүүдийн 63, 70 кг-ын жингийн барилдаан болно.
Монголын иргэн болсон, ДАШТ-ий алт, хүрэл медальт Моллаей Саеид өнөөдөр манай улсын нэрийн өмнөөс анх удаа барилдана.
Мөн өнөөдөр эрэгтэйчүүдийн 73 кг-д ДАШТ-ий хүрэл медальт, Гавьяат тамирчин Г.Одбаяр, 81 кг-д Токиогийн “Их дуулга”-д түрүүлсэн Монголын анхны эрэгтэй жүдоч, Азийн аварга, “Сүлд” спорт хорооны бөх О.Ууганбаатар, Азийн аварга, олон улсын хэмжээний мастер Н.Дагвасүрэн, эмэгтэйчүүдийн 63 кг-д -Азийн АШТ-ий мөнгө, хүрэл медальт, улсын дөрвөн удаагийн аварга Б.Ганхайч, ДАШТ-ий хүрэл медальт, Гавьяат тамирчин Б.Мөнгөнчимэг нар зодоглоно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.