Өнөөдөр /2024.11.04/ УИХ дахь АН-ын бүлэг хуралдсан. Хурлаар хоёр асуудал хэлэлцсэн бөгөөд үүний нэг нь сэтгүүлч Н.Өнөрцэцэгийн асуудал байв. Энэ асуудлын талаар тус бүлгийн дарга О.Цогтгэрэл мэдээлэл хийлээ.
Тэрбээр “Бүлгийн хуралдаанаар сэтгүүлч Н.Өнөрцэцэгтэй холбоотой асуудлыг хэлэлцлээ. Сэтгүүлч Н.Өнөрцэцэгийн шүүх хурал энэ долоо хоногт болно. Сэтгүүлчийг 20 гаруй асуудлаар тодорхой хуулийн байгууллагаас шалгасан байна. Үүнээс нэгээс бусад нь хаалттай шүүх шаардлагагүй зүйл анги байгаа юм байна. Тиймээс манай намын бүлгийн зүгээс сэтгүүлч Н.Өнөрцэцэгийн шүүх хурлыг нээлттэй явуулах ёстой гэх байр суурийг илэрхийлж, санал гаргасан” гэлээ.
Сануулахад, Сэтгүүлч, Zarig.mn сайтын эрхлэгч Н.Өнөрцэцэгийн давж заалдах шатны шүүх хуралдаан энэ пүрэв (2024.11.07) гарагт болно. Тэрбээр, шүүх хурлыг олон нийтэд ил тод, нээлттэй явуулахыг хүсч буйгаа ил захидлаараа дамжуулан илэрхийлсэн юм. Гэвч одоог хүртэл шүүх хурлыг нээлттэй явуулах эсэх нь тодорхойгүй байгаа тул өнөөдрөөс /2024.11.04/ эхлэн өлсгөлөн зарлаж байгаа билээ. Энэ талаарх дэлгэрэнгүй мэдээллийг ЭНД ДАРЖ харна уу.
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Та нар өлөн Үнэрцэцэг ийг өмгөөлж, Шүүхэд гаднаас нөлөөлсөн ялд унавзай