“2020 оны сонгуулийг хүлээж Т.Чимгээ, Б.Содномдаржаа нарын хэргийг шийдэхгүй байна”

Өнөөдөр /2020.01.15/ С.Зоригийг хөнөөсөн хэргээр ял эдэлж буй Т.Чимгээ, Б.Содномдаржаа нарыг суллахыг шаардаж Улсын дээд шүүхийн гадна талбайд иргэний нийгмийн байгууллагын төлөөлөгч нар мэдээлэл хийлээ.Тэд Т.Чимгээ, Б.Содномдаржаа нарыг суллахыг шаардаж буй юм.

Иргэний нийгмийн байгууллагын төлөөлөгч нар хэлэхдээ “С.Зоригийг хөнөөсөн хэргээр ял эдэлж буй Т.Чимгээ, Б.Содномдаржаа нарыг байцаах явцдаа эрүүдэн шүүсэн гэдгийг нэн яаралтай тогтоож өгмөөр байна. Дээд шүүхийн шүүгч н.Батсүрэнтэй уулзах хүсэлтийг төрийн бус байгууллагууд тавьсан. Гэвч өдийг хүртэл бидэнтэй огт уулзаагүй. Өнөөдөр бид 24 цагийн дотор яаралтай уулзах хүсэлтийг хүргүүлж байна. Хүсэлтийг хүлээж аваагүй тохиолдолд тэмцлийн хурц хэлбэрт шилжинэ.

Улсын дээд шүүх, Улсын ерөнхий прокурор  хагас жил ажлаа хийсэнгүй. Шүүхийн байгууллага тасралтгүй үйл ажиллагаа явуулж байх ёстой. Гэтэл Монгол Улсын дээд шүүхийн гурван танхимын бүрэлдэхүүн бүрдээгүй байгаагаас үйл ажиллагаа нь зогсонги байдалтай байна.

Нийгэмд хүлээгдэж буй 23 хэргийг яаралтай шийдвэрлэж өгнө гэсэн. Гэвч өдийг хүртэл ямарч шийдэгдсэн шийдвэрлэсэн юм алга. Эдгээр хэргийг өдий хүртэл шийдэхгүй байгаа нь 2020 оны сонгуулийг хүлээж буй хэмээн бид хардаж байгаа. Энэ хэлмэгдүүлэлтийн хэргийг нэн яаралтай шийдэж өгмөөр байна. Ардчилсан Монгол Улсын ямар ч иргэн ийм эрүү шүүлтийн хэлмэгдүүлэлт дахин өртөх ёсгүй” гэв.

Мөн Т.Чимгээ, Б.Содномдаржаа нарын биеийн байдал муу байгаа. Энэ хүмүүсийг суллуулахын тулд эцсээ хүртэл тэмцэх болно. Цаашдаа тэмцлийн хурц хэлбэрт шилжинэ гэдгээ мэдэгдсэн юм.

Б.ҮРЖИГ

Энэ мэдээнд өгөх таны үнэлгээ

Хуваалцаарай Жиргээрэй