АНУ-ын Ерөнхийлөгч Доналд Трамп даваа гарагт /2025.10.20/ Украины дайны талаарх байр сууриа дахин өөрчилсөн зүйл хэлсэн байна. Тэрбээр Украин дайнд ялж чадна гэж бодохгүй байгаагаа илэрхийлсэн ч бүх зүйл боломжтой гэжээ. Цагаан ордноос сэтгүүлчдэд мэдээлэл өгөхдөө Трамп “Тэд ялж болно л доо. Гэхдээ тэгнэ гэж бодохгүй байна. Ялах боломжтой. Тэд ялна гэж би хэзээ ч хэлээгүй шүү дээ. Дайн бол маш хачирхалтай зүйл гэдгийг та нар мэднэ” хэмээсэн юм.
Трамп баасан гарагт /2025.10.17/ Украины Ерөнхийлөгч Владимир Зеленскийг Цагаан ордонд хүлээн авч уулзсан. Тэрхүү уулзалтаар Киев, Москва хоёр фронт дээрх байлдааныг зогсоохыг уриалсан юм. Сүүлийн үед Украинд ээлтэй байгаа мэт мэдэгдэл хийж ирсэн Трамп тус уулзалтаар Киевт Tomahawk пуужин өгөхгүй хэмээсэн. Тэрбээр уулзалтаас хэдэн хоногийн өмнө хэлэхдээ, Путин энх тайвны тохиролцоонд хүрэхгүй бол Украинд Tomahawk пуужин өгнө гэсэн билээ.
Есдүгээр сард НҮБ-ын Ерөнхий Ассамблейн чуулганы хажуугаар Трамп Зеленскийтэй уулзсан. Үүнийхээ дараа Трамп Украиныг дайнд хожиж, бүх газар нутгаа эргүүлэн авч цаашлаад тэлж ч чадна гэсэн юм. Тэгвэл тэр өмнөх тохиолдлуудтай адил дахиад л байр сууриа өөрчиллөө.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эргүү зөнөг
Үхсэн баасных нь ял�##�т ярих
Үнс чандруу болчихгүйхэн шиг үлдвэл зол нь
ee zov oilgomjtoi ta nariin mongo bhgui bol tegeel budaa