К.Номинжин: Монголд хэрхэн байгальд ээлтэй бизнесүүд үүсгэн, ажлын байр бий болгох талаар судалж эхэлсэн

Дуучин К.Номинжин “PETA Asia” байгууллагын бэлтгэсэн Монгол малчдын ямаа самнан, ноолуур бэлтгэж буй дүрс бичлэгийн тайлбарыг уншиж, “Ноолууран эдлэлээс татгалзъя” гэсэн утгатай байр суурийг илэрхийлсэн нь цахим орчинд шүүмжлүүлэн, олныг талцуулаад буй. Үүний хариуд Монголын ноос ноолуурын холбооноос Монгол ноолуурын нэр хүндэд халдлаа гэсэн утгатай мэдэгдэл гаргасан.

К.Номинжин цахим хуудсаараа дамжуулан монгол түмнээ уучлалт хүсэхдээ “Миний хувьд цагаан хоолтон бөгөөд цаашид хооллохын тулд хувцас өмсөхийн тулд амьтны амь таслах тэднийг зовоохын эсрэг тэмцэх болно. Ингэхдээ сая Монголын уламжлалт МАА-г буруу ойлгуулсан бол уучлал хүсье” гэсэн.

Тэгвэл К.Номинжин Монголдоо байгальд ээлтэй бизнесүүд үүсгэн, ажлын байр бий болгохоор зорьж яваа гэнэ. Энэ тухай тэрбээр цахим хуудсандаа нийтэлсэн. К.Номинжин нэгэн иргэний постыг шэйрлэхдээ “12 настай зургийг минь тавьжээ. Би анх “Байгаль эхийн хүүхдүүд” гэдэг дууг 12 настай дуулж байсан. Байгаль болон ан амьтнаа хамгаалах тухай сэдэвтэй. Насаарай ийм юм ярьж яваа намайг мэддэггүй хүмүүс их бухимдаж байна.

Миний хувьд өчигдрөөс эхэлж олон улсын бизнес эрхлэгчидтэй ярьж, Монголд хэрхэн байгальд ээлтэй бизнесүүд үүсгэн, ажлын байр бий болгох талаар судалж эхэлсэн. Өдөржингөө л утсаар ярилаа. Ер нь ноос, ноолуур эрхэлж байгаа хүмүүс сардаа дунджаар хэдэн төгрөгийн цалинтай байдаг вэ. Мэддэг хүмүүс бичнэ үү” гэжээ.

Энэ мэдээнд өгөх таны үнэлгээ

Хуваалцаарай Жиргээрэй