Сэтгэцэд нөлөөт бодисыг түүж бэлтгэн, хадгалсан этгээдэд гурван жилийн хорих ял оноов
Сэтгэцэд нөлөөт бодис хууль бусаар бэлтгэж, хадгалсан 49 настай эрэгтэйд гурван жилийн хорих ял оноожээ. Тодруулбал, Ц.С нь … аймгийн нутаг дэвсгэрээс НҮБ-ын 1971 оны Сэтгэцэд нөлөөлөх бодисын тухай конвенцын II жагсаалтад багтдаг, дельта-9 тетрагидроканнабинолын агууламжтай "өвс" нэршилтэй хориглосон сэтгэцэд нөлөөт бодисыг худалдаалах зорилгогүйгээр хууль бусаар түүж бэлтгэн, … тоот гэртээ хадгалсан хэрэгт холбогджээ.
Түүнд Эрүүгийн хуулийн 20.7 дугаар зүйлийн 1 дэх хэсэгт заасан "хориглосон сэтгэцэд нөлөөт бодисыг худалдаалах зорилгогүйгээр хууль бусаар олж авсан, хадгалсан" гэх үндэслэлээр яллах дүгнэлт үйлдэж, хэргийг шүүхэд шилжүүлсэн байна.
Шүүхээс Ц.С-ийг гэм буруутайд тооцож, 1 жил 6 сарын хугацаагаар хорих ял оногдуулжээ. Мөн өмнөх шийтгэх тогтоолоор оногдуулсан хорих ялын эдлээгүй үлдсэн хугацааг нэмж, нийт 3 жил 10 сар 17 хоногийн хугацаагаар хорих ял эдлүүлэхээр шийдвэрлэсэн байна. Ялыг нээлттэй хорих байгууллагад эдлүүлэхээр болжээ.
Х.ХУЛАН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Uvsiin hyrgasiin gantumuriin munhzul eruugiin hulgaich narsnii buus