УИХ-ын чуулганаар Монгол Улсын 2025 оны нэгдсэн төсвийн гүйцэтгэл, Засгийн газрын 2025 оны санхүүгийн нэгтгэсэн тайланг хэлэлцэж байна. Үүний өмнөхөн Төрийн өмчит компанийн бүтээмж, ил тод байдал, засаглалыг сайжруулах тухай хуулийг эцэслэн баталсан юм.
Ерөнхий сайд Н.Учрал ТӨК-иудын төсөв, цалинтай холоотой асуултад хариулах үеэрээ ТӨК-иудын захирлын цалинг одоо байгаагаас 53.1 хувиар бууруулна гэдгээ мэдэгдлээ.
Тэрбээр "1989 оны стандартаар баталдаг, гүйцэтгэлээ тавьдаг байдлыг өөрчлөх хэрэгтэй. Намрын төсөв дээр алхам хийнэ. Аливаа компани орлгого, зарлагаа бүртгэхээс гадна ямар нөөц байгаа вэ гэдгээ үнэлж байж төсвөө баталдаг. Гэтэл ТӨК-иуд тэгдэггүй. УИХ-ын гишүүдийн шүүмжлээд байгаатай санал нэг байна.
Энэ парламентын хаврын чуулганы хугацаанд олон дуусдаггүй асуудлыг дуусгасны нэг ньТӨК-ийн засаглалын тухай хууль Засгийн газраас намрын чуулганд ТӨК-иуд дээр баримтлах үндсэн чиглэлийг оруулж ирнэ. ТӨК-иудын захирлын цалинг одоо байгаагаас 53.1 хувиар бууруулна гэдгээ хариуцлагатайгаар хэлье. Засгийн газраас үүрэг болгохоор бэлтгэж байна.
Гэхдээ "Хүний өөрийнгүй баахан хүн шахчихсан. тэгээд ТӨК-иуд жаахан хөдөлгөөн оруулъя гэхээр Засгйин газрыг чинь огцруулна шүү" гээд байдаг зовлонтой. Цаашид зорилго үр дүнд суурилсан шатлал руу явуулна. Шинэ хуулийн дагуу ашиггүй ажилладаг ТӨК гэж байхгүй болно" гэлээ.
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.