Сэрэмжлүүлэг: 39 настай эрэгтэй гадаа тоглож байсан хоёр хүүхдийн гар утсыг хулгайлжээ
Гадаа тоглож байсан бага насны хүүхдийн гар утсыг хулгайлсан хэрэг гарчээ. Тодруулбал, цагдаагийн байгууллагад өчигдөр |2026.08.18| “Тоглоомын талбайд бага насны хоёр хүүхдийн гар утас алдагдсан байна” гэх дуудлага, мэдээлэл бүртгэгдсэн байна. Шалгалтын ажиллагааг явуулахад 39 настай, эрэгтэй Б бага насны хоёр хүүхдийн “Iphone” маркийн гар утсуудыг тоглоомын талбайд тоглож байхад нь хулгайлсан болохыг илрүүлжээ.
Уг хэргийг үргэжлүүлэн Баянгол дүүргийн цагдаагийн газрын Нэгдүгээр хэлтэс шалгаж байна.
Эрүүгийн хуульд зааснаар:17.1.1. Бусдын эд хөрөнгийг хүч хэрэглэхгүйгээр, нууцаар, хууль бусаар авсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ гэж заасан байна.
Иймд эцэг, эх, асран хамгаалагчдыг хүүхдэдээ тавих хараа хяналтаа сайжруулахыг анхааруулж байна.
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.