Ё.Баатарбилэг: Дэд даргад нэр дэвшигч Г.Азжаргал туршлага муутай байна

Авлигатай тэмцэх газраас тус газрын дэд даргын албан тушаалд Г.Азжаргалыг томилох бүх нийтийн сонсголыг хийж байна.

Гишүүдээс Оффшор бүсээс мөнгө орж ирсэн үү. Хичнээн төгрөг байдаг юм бэ? хэмээн асуулаа.

АТГ-ын дарга З.Дашдаваа: “Нийтийн албан тушаалтныг гадаад дахь дансаа хааж мөнгөө оруулж ирэхийг хуульчилсан. Ингээд 2017 оноос хуульчилсан. 300 гаруй сая ам.долларын гүйлгээ хийгдсэн байдаг. Үүний хэд нь хууль бус, хэд нь хууль ёсных вэ гэдгийг шалгаж дуусаагүй байгаа” гэв.

УИХ-ын гишүүн Б.Дэлгэрсайхан: “Оффшор бүсэд байгаа мөнгө болгон хууль бус байна гэж байхгүй. Сар бүр мэдээлэл хийдэг. Тэр үеэрээ оффшорын талаар мэдээлэл өгч баймаар байна. Хөрөнгө оруулагчдаа үргээдэг байдал гардаг” гэлээ.

УИХ-ын гишүүн Ё.Баатарбилэг “Дэд даргад нэр дэвшигч Г.Азжаргалын туршлага муу байна. Цахим орчинд бие биенийгээ намнадаг байдал ил цагаанаар явагдлаа. АТГ дотроосоо ялзрах вий. АТГ шүгэл үлээгч биш. Нэг хэсэг цахимд мэдээлэл түгээгээд түүгээрээ олон нийтийг талцуулдаг байсан. Ёс зүй, этик тал дээрээ анхаарч ажиллаарай” хэмээлээ.  

Энэ мэдээнд өгөх таны үнэлгээ

Хуваалцаарай Жиргээрэй