Үндэсний их баяр наадмын сорилго улс, аймгийн цолтой 256 бөхийн барилдаан VI сарын 8-нд 11:00 цагаас бөхийн өргөөнөө явагдахаар товлогджээ.
Тухайн жилийн наадмын өнгийг шинжих боломж олгодог тул эл барилдаан бөх сонирхогчдын анхаарлын төвд байдаг аж. Өнгөрсөн жил энэхүү барилдаанд аймгийн заан цолтойгоор түрүүлсэн Т.Төгсдөлгөөн хэдхэн хоногийн дараагаар Өмнөговь аймгийн наадамд түрүүлж, арслан цолонд хүрсэн билээ.
Өмнөх жилүүдэд уг барилдааныг Үндэсний их баяр наадмын хугацаатай ойртуулж явуулдаг байсан тул зодоглох бөхчүүдийн тоо, чанар сулрахад хүргэдэг байв.
Харин энэ жилийн хувьд, Монгол Улсад орчин цагийн Биеийн тамир, спортын салбар үүсэж хөгжсөний 100 жилийн ойд зориулж, наадам эхлэхээс сарын өмнө зохион байгуулж буйгаараа онцлог юм.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ЗА МАНАЙ ЭРТЭЙ БЯРТАЙ БӨХЧҮҮД МИНЭЭ ЭРТХЭН ДОПИНГОО ЧААГААД ЭХЭЛДЭЭ ЭНЭ ЖИЛ ХЭН ТҮРҮҮЛНЭ ТЭР БАС ДОПИНГЧИН БОЛОХ НЬ ГАРЦААГҮЙ