Цахим спортын "Counter Strike 2" тоглоомын дэлхийн аварга шалгаруулах тэмцээний дараа эрэмбэлэгддэг "Intel Extreme Masters Katowice 2025"-ийн хэсгийн шатны тоглолтууд өнгөрсөн шөнө явагдаж дууслаа. Манай улсын The MongolZ баг В хэсэгт хоёр удаа хожиж, плей-оффт шалгарсан.
Өнөөдөр /2025.02.05/ шөнийн 01:30 цагт В хэсгээсээ нэгдүгээр байраар гарахын төлөө өнгөрсөн оны дэлхийн аварга Украины "Natus Vincere" багтай тоглож, хожигдол хүлээлээ.
Тус тоглолтын эхний map-ыг Navi баг сонгож, "Mirage" дээр тоглолтоо эхлүүлсэн. Үүний дараа The MongolZ-ийнхний сонгосон "Ancient" дээр тоглолт үргэлжилж 2:0 гэсэн харьцаатайгаар ялагдлаа хүлээлээ. Ийнхүү тэд "IEM Katowice 2025" тэмцээний шөвгийн наймд Туркийн "Eternal Fire" багийн эсрэг 11 мянган хүний суудалтай "Spodek" цэнгэлдэх хүрээлэнд Баасан гарагийн 22:45 цагт тоглохоор боллоо. Энэ тоглолтод "The MongolZ" баг хожвол шөвгийн дөрөвт Францийн "Team Vitality" багтай энэ сарын 8-ны 22:45 цагт тоглох болно.
Өмнө нь энэ хоёр баг нийт таван удаа оноолт таарч тоглоход "The MongolZ" гурав, "Eternal Fire" хоёр удаа хожиж байжээ.
IEM Katowice тэмцээнтэй холбоотой мэдээллүүд
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.