Үндэсний цэцэрлэгт хүрээлэнд өнгөрсөн бямба гарагт буюу энэ сарын 22-нд гарсан түймрийн улмаас таван га талбай шатжээ.
Энэ талаар ОБЕГ-аас тодруулахад "Уг гал түймрийн дуудлага мэдээлэл тухайн өдрийн 15.36 цагт ирсэн. Түймрийг хоёр цагийн дотор бүрэн унтраасан. Одоогоор түймрийн шалтгаан, нөхцөлийг тогтоохоор Цагдаагийн байгууллагаас шалгалтын ажиллагаа эхлүүлсэн" гэх мэдээллийг өглөө.
Тус хүрээлэн нийтдээ 973 га талбайтай. Үүнээс 5 га орчим нь түймэрт өртсөн гэх мэдээлэл байгаа юм. Иймд цогтой үнс нурмыг зориулалтын саванд хийж, татсан тамхиа бүрэн унтраах, автомашины эвдрэл гэмтлийг шалгах, хог хаягдал, хашааны өнжмөл өвсийг ил задгай шатаахгүй байхыг сэрэмжлүүллээ.
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шалтгаан нөхцөл тогтоох гээд байх хэрэггүй нэг ширхэг татсан тамхиа унтраагүй орхисноос болж энэ хаврын хуурайшилтын үед өнжмөл шар өвс бензинд шүдэнз хавирах адил асна