Хуушуурын зөвшөөрөлтэй холбоотой зөрчил гарвал АТГ-т шалгуулна

Нийслэлийн удирдах ажилтнуудын ээлжит шуурхай зөвлөгөөн өнөөдөр болсон байна.

Энэ үеэр хотын дарга Х.Нямбаатар дараах үүрэг даалгаврыг өгсөн ба үүнд:

• Газрын дуудлага худалдаа, өмч хувьчлалын асуудалд онцгой анхаарах

• Сэлбэ, Дунд голын тохижилт, лаг хагшаасыг цэвэрлэх ажлыг яаравчил

• Хоол үйлдвэрлэл, үйлчилгээ, ногоон байгууламж, нийтийн эзэмшлийн зам талбайн цэвэрлэгээ, арчлалт дүүргүүд рүү шилжээд удаж байна. Жишээлбэл, дүүргүүд наадмын хуушуурын зөвшөөрөл олгохдоо зөрчилтэй асуудал үүсгэсэн байвал АТГ-т шалгуулах

• Дэд бүтцийн төслүүд, сургууль, цэцэрлэг барих ажлыг яаравчлах

• Зуслангийн зам дагуу элс, хайрга олборлож, газар ухаж сэндийчихийг зөвшөөрөхгүй

• Туулын хурдны замын газар чөлөөлөлтийг дуусгаж, Тойрог замын газар чөлөөлөх мэдэгдлийг өгч эхлэх

• Явган замын ажлуудаа эрчимжүүлэх

• Гандан, Эх нялхас, Тасганы овоо, Дэнжийн мянга, Ногоон нуур орчимд 5000 айлыг дулаалж, янданг буулгах ажлыг эрчимжүүлэх

• Үндэсний их баяр наадмын зохион байгуулалтад онцгой ач холбогдол өгч, баяр наадмын үеэр инженер хангамжийн байгууламжийн тасралтгүй ажиллагаа, үер ус, гал түймрийн аюулаас урьдчилан сэргийлэх, хамгаалах ажлыг чанартай зохион байгуулах, хариуцлагатай жижүүр гаргаж, хариуцлагатай ажиллах зэргийг үүрэг болголоо.

Өнгөрсөн долоо хоногт хуушуурын зөвшөөрөл олгохтой холбогдуулан үүнийг наймаалах асуудал гарч байгаа талаарх мэдээлэл цахим орчинд тархсан. Тэгвэл хотын дарга “Хуушуурын зөвшөөрөл зарна” гэсэн бүх зарыг шалгуулж, зөвшөөрөл олгодог албан тушаалтнуудыг АТГ-т шалгуулахаа мэдэгдсэн юм. 

Энэ мэдээнд өгөх таны үнэлгээ

Хуваалцаарай Жиргээрэй