Цахим спортын CS2 төрлийн ESL Pro League Season 22 тэмцээн Шведийн нийслэл Стокхолм хотноо үргэлжилж байна.
Өчигдөр тэмцээний хоёрдугаар шатны гурав дахь тоглолтууд болж, The MongolZ адил 0-2 амжилттай байсан Европын GamerLegion багтай тоглож, 2-1 харьцаатайгаар хожлоо.
Эхний мапд Inferno дээр 13-10 харьцаатай хожсон бол хоёр дахь мап Ancient дээр 13-11 харьцаатай хожигдон 1-1 харьцаатай болсон. Шийдвэрлэх гурав дахь мап Nuke дээр 13-7 харьцаатай илүүрхэж, тэмцээнийг цааш үргэлжлүүлэх эрхтэй боллоо.
Ингэснээр ESL Pro League-т The MongolZ баг 1-2 амжилттай болсон ба өнөөдөр ижил амжилттай яваа Испанийн Gentle Mates багтай 22:00 цагаас өрсөлдөнө. Gentle Mates багтай энэ онд манай баг нэг ч учраа таарч тоглоогүй байгаа. Тус баг нь Valve ranking-т 18-т, Дэлхийн чансаанд 17-т бичигдэж буй баг юм.
Эх сурвалж: msport
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.