АНУ-н хилээр нэвтрэх эрхээ хасуулж, ДАШТ шүүх боломжгүй болсон Сомали Улсын шүүгч Омар Абдулкадир Артанд ФИФА-н зүгээс үндсэн цалин, урамшууллыг нь бүрэн хэмжээгээр олгохоор шийдвэрлэсэн байна. Шүүгчдийн зөвлөл удирдамж гаргаж, Омар Артан нь ДАШТ-д бэлтгэх сургалт, шалгууруудыг зуун хувь амжилттай давсан тул түүнийг санхүүгийн хувьд хохироохгүй байх нь зүй ёсны хэрэг гэж үзжээ. Ингэснээр тэрбээр талбайд гарч тоглолт шүүгээгүй ч ДАШТ-ий үндсэн шүүгчийн суурь цалинг бүрэн авахаар болжээ.
Дашрамд дурдахад тэрбээр ирэх наймдугаар сарын 12-ны өдөр болох Европын нэр хүндтэй тэмцээн УЕФА-н Супер цомын тоглолтыг шүүх ерөнхий шүүгчээр томилогджээ. Тус тоглолтод Аваргуудын лигийн аварга ПСЖ болон Европа лигийн аварга Астон Вилла клубүүд тоглох юм.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.