“Хүннү эйр” компанийн удирдлага Унгар улсад гацаад буй монгол оюутнуудын асуудлаар УОК-т хүсэлт гаргажээ.
Тодруулбал, Унгар улсад тэтгэлгээр суралцаад төгссөн 78 оюутны гар гэрийнхэн нь “Хүннү эйр” компанийн удирдлагатай уулзан оюутнуудыг эх оронд нь авчрах тусгай нислэг үйлдэх хүсэлтийг тавьжээ.
“Хүннү эйр” компанийн хувьд Афганистан улсад үүрэг гүйцэтгэсэн Монгол Улсын Зэвсэгт хүчний 113 цэргийн албан хаагчийг татан авчрах тусгай үүргийн нислэгийг амжилттай гүйцэтгэсэн юм. Иймээс Унгар улсад гацаад буй оюутнуудыг авчрах тусгай үүргийн нислэг үйлдэх бүрэн чадалтай хэмээн үзэж байгаа аж.
Тодруулбал Embraer-E190 маягийн агаарын хөлгөөр Оросын Пермь хотод техникийн буулттайгаар дээрх 78 оюутныг авчрах бүрэн бололцоотой гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.