НИЙГЭМ

Байгаль хамгаалагчдыг 210 ширхэг мотоциклоор хангав

Улсын тусгай хамгаалалттай газар, сав газарт байгаль хамгаалах хууль тогтоомжийн хэрэгжилтийг сайжруулах, уур амьсгалын өөрчлөлтөд дасан зохицох арга хэмжээг хэрэгжүүлэхэд дэмжлэг үзүүлэх ажлууд хийгдсээр байгаа.

Энэ ажлын хүрээнд БОАЖ-ын сайд Д.Сарангэрэл Улсын төсвийн хөрөнгөөр 400 сая гаруй төгрөгийн үнэ бүхий ZS200-6 нүүдэлчин маркийн 210 ширхэг мотоциклийг Улсын тусгай хамгаалалттай газар нутгийн нэр бүхий 24 хамгаалалтын захиргаадын байгаль хамгаалагчид, 21 сав газрын захиргаадад гардуулан өглөө.

"Байгаль хамгаалагчдаа 3 үе шаттайгаар тоног төхөөрөмж, техник хэрэгсэл, унаа машинаар хангана"

БОАЖ-ын сайд Д.Сарангэрэл хэлэхдээ “БОАЖЯ байгаль хамгаалагчдаа олон чиглэлээр ажиллах нөхцөл болон нийгмийн асуудлыг шийдвэрлэх бодлого барьж буй. Энэ ондоо багтаад байгаль хамгаалагчдаа гурван үе шаттай тоног төхөөрөмж, техник хэрэгсэл, унаа машинаар хангах зорилт тавьж ажиллаж байна. Энэ хүрээнд байгаль дэлхийгээ хамгаалах, он дагшин байдлаар нь авч үлдэхийн төлөө өдөр шөнөгүй зүтгэдэг байгаль хамгаалагчдаа туулах чадвар сайтай, өндөр хүчин чадалтай мотоциклоор иж бүрэн хангаж байгаадаа БОАЖЯ баяртай байна” гэсэн юм.

2014 оноос хойш улсын төсвийн хөрөнгөөр байгаль хамгаалагчдийг мокоциклоор хангаагүй байдаг. Харин 2017 онд Биологийн олон янз байдлыг хамгаалах, уур амьсгалын өөрчлөлтөд дасан зохицох төслийн санхүүжилтээр Улсын тусгай хамгаалалттай газар нутгийн Хамгаалалтын захиргаадын материаллаг баазыг сайжруулах зорилгоор 3.85 тэрбум төгрөгийн үнэ бүхий машин, тоног төхөөрөмж, тусгай хэрэгслээр хангаж, хөрөнгө оруулалтын ажил хийгдэж байсан юм.

"Энэ мотоцикл туулах чадвар сайтай учир албаны үүрэг гүйцэтгэхэд шаардлага хангана"

Албаны мотоциклоо гардан авсан Хан-Хэнтий УТХГ-ын Туул хэлтсийн ахлагч Ж.Бекбаатар “Байгаль хамгаалагчид бид өдөр бүр олон бартаатай замаар мотоциклтой явдаг. Бидний өмнө нь хэрэглэж байсан мотоцикл 150 мотортой, жижиг хэмжээтэй, хүчин чадал багатай учраас шавар, намагтай замд саатах, эвдрэх гэх мэт хүндрэлүүд үргэлж тохиолддог байсан.

Харин өнөөдөр бидэнд гардуулж байгаа энэ мотоцикл нь хүчин чадал, туулах чадвар сайтай, хэмжээний хувьд ч өндөр гэх мэт албаны үүрэг гүйцэтгэхэд шаардлага хангах юм. Салбарын удирдлагууддаа баярлаж байгаагаа дамжуулъя” гэсэн юм.

Өнөөдрийн байдлаар,

  • Улсын тусгай хамгаалалттай газар нутгийн тоо 120 болж улсын газар нутгийн 21% буюу нийт 32.8 сая га талбайг хамарч байна.
  • Цэнгэг усны нөөц, томоохон гол мөрний урсац бүрэлдэх эхийн 50 хувь, ойн сан бүхий газрын 40 хувийг хамгаалалтад авсан байна.

Эдгээр газрыг улсын хэмжээнд 34 хамгаалалтын захиргаа хариуцан нийт 476 байгаль хамгаалагч хамгаалан ажиллаж байна.

Эх сурвалж: БОАЖЯ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2020-08-06 20:37

Тэнэг в�##�айр авгай ногоон пижак емсеед байг�##�ь орчны хvн болчдог гээд бодцон. Манай яаманд байхдаа цэнхэр, улаан, ягаан пижак емсдег байв. Манай газрын хvvхэн бас ягаан пижак емсеед яаман дотор явж байсан чинь "наа пижакаа чи тайлах уу, би

Зочин
Зочин
2020-08-06 20:38
Reply to  Зочин

би тайлах уу" гэж дарамт�##�сан гээл бод. Хэлбэрдсэн г и ч и й манайхаас �######�ж, бид беен баяр, зарим нь тэмдэглээд тасартлаа уусан

Зочин
Зочин
2020-08-07 14:15

Хужаа мотоцикл биш гэж найдъя.

Холбоотой мэдээ

Back to top button