УРЛАГ

ТАНИЛЦ: МУИС-ийн номын санд ховор болон монгол бичгээр хэвлэгдсэн бүтээлүүд ДЭЛГЭГДЛЭЭ

МУИС-ийн Монгол хэл шинжлэлийн тэнхим, Түүхийн тэнхим, Философи, шашин судлалын тэнхимүүдэд хадгалагдаж байгаа ховор ном болон монгол бичгээр хэвлэгдсэн бүтээлийн үзэсгэлэнг өнөөдөр дэлгэлээ.

Уг үзэсгэлэнд МУИС-ийн номын сангийн сан хөмрөг дахь 399 ховор ном, Монгол бичгээр хэвлэгдсэн 600 ном, МУИС-ийн хэл шинжлэлийн тэнхим, Түүхийн тэнхим, Философи, шашин судлалын тэнхимүүдэд хадгалагдаж буй 95 бүтээл дэлгэгдсэн байв.

Тэдгээрээс онцолбол,

  • Монгол бичгээр хэвлэгдсэн “Монгол ганжуур” 83 боть
  • Бээжин хотод хэвлэгдсэн “Хятад ганжуур” 168 боть
  • “Хөх судар” 3 дэвтэр
  • 19-р зуунд хэвлэгдсэн Нэрт гүн ухаанч Агваанбалдангийн бүтээл “Билгийн чандад хүрсэн увидас илт онолын чимгийн тайлбар”
  • “Алтангэрэл судар”
  • Хятад бараар барласан “Банзрагч судар”
  •  Зая Бандид Лувсан Пэрэнлэй Судар зохиолын эмхтгэл VI боть
  • Жадамбын Хятад зэс бараар барласан “Хутагт бичгийн чандад хүрсэн найман мянган судар оршвой”
  •  Төвд, Монгол бичгээр “Жадамба судар”
  •  Монгол бичгээр, Тод үсгээр “Банзрагч судар”
  •  Монголын нууц товчооны 780 жилийн ойд холбогдуулан дэлгэж буй зарим судалгааны бүтээл, Хятад эхүүд,  Гар бичмэл судалгааны бүтээлүүд
  • Дайчин улсын Монголын Магад хууль II-VI эмхтгэл
  • Монгол Тансан эвхмэлийн эмхтгэл VI боть
  • Дэлхийд түгсэн “Монголын нууц товчоо” МУИС-ийн Монгол судлалын хүрээлэнд 2016 онд хэвлэгдсэн Монгол бичиг, кирилл, англи хэл дээр хэвлэгдсэн бүтээлүүд байна.

Үзэсгэлэн аравдугаар сарын 14-ний өдрийг хүртэл МУИС-ийн номын сангийн “Ховор ном болон Монгол бичгийн уншлагын танхимд” болох юм.

Э.СИЙЛЭН

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button