ДЭЛХИЙ
Коронавирусээс аюултай шинэ хувилбар Их Британид илэрчээ
Коронавирусийн халдварын улмаас дэлхий даяар олон сая хүн халдвар авч, нас бараад байгаа билээ. Одоо ч энэ халдварыг хэрхэн эмчлэх арга, вакцины эрэлд гарсаар буй. Тэгвэл коронавирусийн шинэ хувилбар бий болсныг илрүүлжээ.
“Ковид-19”-ийн шинэ төрлийн вирус Их Британид илэрснийг тогтоов. Улмаар тус улс руу чиглэсэн агаарын болон төмөр замын хөдөлгөөнийг зогсоожээ.
Их Британийн Ерөнхий сайд Борис Жонсон эл шинэ төрөл коронавирусээс 70 хувиар илүү аюултай гэж хэвлэлийнхэнд мэдэгдсэн байна.
Коронавирусийн шинэ хувилбараар зөвхөн Их Британид бус хэд хэдэн оронд халдвар илрээд буй. Тодруулбал, Данид ес, Нидерланд, Австралид тус бүр нэг тохиолдол илрээд байна.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.