Засгийн газрын өнөөдрийн хуралдаанаар гаргасан шийдвэрүүдийг танилцуулж байна.
УОК-ын дарга, Шадар сайд Я.Содбаатар “ХӨСҮТ-д халдвар гарсан нь үнэн. Гурван тасгийн эмч нараас халдвар илэрсэн нь үнэн. Цаашид ХӨСҮТ-д халдвар, хамгааллын дэглэм алдагдаж буй асуудлыг таслан зогсооно. С.Баатаржаваар ахлуулсан ажлын хэсэг ХӨСҮТ-д ажиллаж, “Зохион байгуулалтын чанартай арга хэмжээнүүдийг хэрэгжүүлэх ёстой” гэсэн тодорхой дүгнэлт гаргасан.
ХӨСҮТ-д 12 сарын турш улаан, ногоон бүсээр хязгаарлагдаад ажиллаж байгаа. Цонх хаалга, шугам сүлжээг солих шаардлага гарсан. ХӨСҮТ-ийн ачааллыг бууруулах арга хэмжээ авч байна. ХӨСҮТ-д эмчлүүлж буй хөнгөн өвчтөнүүдийг Хан-Уул дүүргийн эмнэлэг рүү шилжүүлж байна” гэлээ.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.