БШУЯ-аас өнөөдөр мэдэгдэл хийсэн юм. Энэ үеэр их сургуулийн холбогдолтой олон асуудлаар мэдээлэл өгсний нэг нь буцалтгүй тусламж байв. Энэ талаар БШУ-ы сайд Л.Энх-Амгалан хэлэхдээ,
“Боловсролын зээлийн сан алдагдалтай байгаа. Энэ сангаас нийт оюутны 11 хувь нь л зээл, тэтгэлэг авдаг. Энэ хувийн нэмэгдүүлж ирэх жилээс нийт оюутны 30 хувь нь авдаг хүртээмжтэй болгоно.
Хэдийгээр нөхцөл байдал хүнд байгаа ч тэтгэлэг, зээл, буцалтгүй тусламж бүгдийг нь яг өмнөх шигээ хэвийн олгоно. Сургалтын төлбөрийн буцалтгүй тусламж авдаг 6.1 мянга гаруй сурагч байдаг. Тэдгээр оюутанд бүгдэд нь олгодог журмынхаа дагуу олгоно” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.