ДЭЛХИЙМэдээНийгмийнНИЙГЭМшуурхай мэдээ

Гватемал: Хаягдсан, цоожтой чингэлэг дотор 126 цагаач байжээ

Гватемалын цагдаа нар замын хажуугаас хаягдсан цоожтой чингэлэг олжээ. Чингэлэгийг нээхэд дотроос нь 126 цагаач иргэд байсан аж.

Орон нутгийн оршин суугчид чингэлэг дотор орилох чимээ сонссон талаар мэдээлсний дараа үүр цайх орчимд тус улсын Нуэва-Консепсьон болон Кокалес гэх хотуудын хооронд байсныг олсон гэж “Би-Би-Си” /BBC News/ мэдээлэв.

Эрх баригчид хаягдсан тэдгээр цагаачдыг Мексикээр дамжуулан АНУ руу зөөж явсан буруу замаар мөнгө олдог хууль бус наймаачид хаясан гэж үзэв.

Тэдгээр цагаач иргэдийн 100 гаруй нь улс орон нь хямралд нэрвэгдээд байгаа Хаити Улсын иргэд ажээ. Мөн Балба, Гана Улсын иргэд ч байгаа гэнэ.

Цагдаагийн төлөөлөгчийн хэлснээр “Бид чингэлэг дотроос хүмүүсийн хашгиралдах, чингэлэгийг нүдэж балбасан чимээ сонссон. Тэгээд бид даруй хаалгыг онгойлгосон. Чингэлэг дотор ямар нэгэн бичиг баримтгүй 126 цагаач иргэд байсан” гэв.

Цагдаагийн офицерууд хаягдсан цагаач иргэдийг Гватемалын Цагаачлалын Албаны хамгаалах байранд хүргэхээс өмнө эмнэлгийн анхны тусламж үзүүлжээ. Үүний дараа тэднийг хөрш зэргэлдээх Гондурас Улсын хил рүү буцааж улмаар эрх баригчдад хүлээлгэн өгөх аж.

(Эх сурвалж: Interfax)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

17 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button