ДЭЛХИЙМэдээНИЙГЭМ

Турк дэх уйгарчууд Бээжингийн өвлийн олимпыг бойкотлохыг уриаллаа

Турк улсад ажиллаж, амьдардаг уйгарчууд БНХАУ-ын эрх баригчдыг эсэргүүцэн жагсаал зохион байгууллаа. Тэд Хятадын эрх баригчдыг лалын шашинт уйгар үндэстний цөөнхийг үй олноор нь устгах бодлого баримталж, мөн эрүүдэн шүүдэгт буруутгаж байгаа юм. Тиймээс ирэх хоёрдугаар сард болох Бээжингийн өвлийн олимпын наадмыг бойкотлохыг уриалан Истанбул хотод жагсаж эсэргүүцлийн жагсаал зохион байгуулж, дуу хоолойгоо хүргэлээ.

Жагсагчид өнгөрсөн ням гараг /2022.01.23/-т Туркийн Олимпын Хорооны байрны гадаа цугларч, Зүүн Туркестаны тусгаар тогтнолын хөдөлгөөний хөх цагаан өнгийн туг далбааг мандуулан жагссан байна. Тэд Бээжинг баруун хязгаарын Шинжаан бүс нутгийн тогтвортой байдалд заналхийлж байна хэмээн буруутгаж байгаа юм.

“Хятад улс үйл олноор хоморголон устгахаа зогсоо”, “Хятадууд хуарангаа хаа” гэсэн уриа лоозонтой жагсаж, зарим нь “Геноцид Олимпоо цуцал” гэх лоозон барин жагслаа.

Жагсагчдын нэг уйгур эмэгтэй Муневвер Озуйгур ярихдаа, хамаатнууд нь Хятадын хуаранд “хоригдож” байгаа гээд, Хятадын эрх баригчид уйгарчуудыг тамлан зовоож, харгислал үйлдэн, хоморголон устгаж байгаа тул өвлийн олимпыг зохион байгуулах эрх тэдэнд байхгүй” гэсэн юм.

(Эх сурвалж: Al Jazeera)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x