Дээд лиг: Монголын шилдэг волейболчид лигонер тамирчдын эсрэг
Монголын волейболын холбооны үндэсний дээд лигийн аварга шалгаруулах тэмцээн үргэлжилж буй. Тэмцээн гурван тойргоор бүтэн улирлын турш явагдаж аваргуудаа тодруулах юм. Бид лигийн эргэн тойронд болж буй сонирхолтой мэдээллүүдийг товчоор хүргэж байгаа. Энэ удаа бүх оддын тоглолтыг онцолж байна.
Монголын шилдэг волейболчдын хамтрал энэ удаагийн дээд лигт гадны улсуудаас урилгаар ирж, өрсөлдөж буй лигонер тамирчидтай 11 дүгээр сарын 17-ны өдөр тоглоно. Бүх оддын тоглолт тухайн өдөр спортын төв ордонд 15 цагаас эхлэх юм.
Бүх оддын эрэгтэй багийг "Хасу мегастарс" клубын шилдэг тоглогч А.Даваажаргал ахална. Бүрэлдэхүүнд Б.Батсуурь, Э.Энх-Амгалан, Б.Анхбаяр, З.Цэнд-Аюуш тэргүүтэй шилдэг залуу тамирчид багтжээ. Харин лигонер тамирчдын багийг "Натур мед ноён" клубын холбон тоглогч Б.Наранбаатар ахлах бөгөөд тэдний бүрэлдэхүүнд олон улсын шилдэг лигонер тамирчид нэгдсэн байна.
Харин монголын эмэгтэй волейболчдын багийг дээд лигийн шилдэг довтлогч "Хөвсгөл-Эрчим" багийн тамирчин Г.Хонгорзул ахална. Тэдний бүрэлдэхүүнд Г.Саруулгэрэл, Ж.Баянжаргал, Г.Энхнаран, П.Энххүслэн нарын шилдэг тамирчид багтжээ. Эдгээр тамирчдын эсрэг тоглох лигонеруудыг дээд лигийн холбогч Л.Хосбаяр удирдан тоглох юм.
Дээд лигийн талаарх сонирхолтой, шинэ мэдээллийг тун удахгүй хүргэх болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Amjilt
Үзүүлээд өгөөөрэй та нар чаднааа
Чаднаа амжилт
Лигонер гэж бичихгүй, сэтгүүлч ээ