Дуулиан №3: Марокко Бельгийг хожлоо
Энэ удаагийн ДАШТ-ий эхний хоёр дуулианыг Саудын Араб, Японы шигшээ Аргентин, Германыг хожиж тарьсан билээ. Тэгвэл ДАШТ-ий ээлжит дуулиан сая F хэсэгт дэгдэж, Африк тивийн төлөөлөл Мароккогийн шигшээ баг дэлхийн чансааны №2 хүчирхэг Бельгийг 2:0-ээр буулгаж авлаа. Тэд бүр 3:0-ээр ч хожиж бололх байсан бөгөөд тоглолтын нэгдүгээр үеийн шүүгчийн мэдлийн нэмэлт цагт Мароккогийн багийн хагас хамгаалагч Хаким Зиеш гоол оруулсан боловч шүүгч Сесар Рамос хамгаалагч Ромен Сесийг отон тоглолтод байсан гэж үзээд тооцоогүй юм.
Тоглолтын эхний гоолыг 73 дахь минутад Абдельхамид Сабири, удаахь гоолыг 90+2 минутад довтлогч Закария Абухляль оруулсан. Ингэснээр Мароккогийн шигшээ баг дөрвөн оноотой хэсгээ тэргүүлж, Бельги гурван оноотой удаалж байна. Шөнө болох Канад-Хорватын тоглолтын үр дүнгээр энэ байр өөрчлөгдөх боломжтой.
Хэсгийн сүүлийн тоглолт ирэх сарын 1-нд Хорват-Бельги, Тунис-Канадын хооронд болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.