Улаан хоолойн хорт хавдар нь архи, тамхины зохисгүй хэрэглээнээс үүдэлтэйг эмч мэргэжилтнүүд сануулж буй. Тэгвэл улаан хоолойн хорт хавдар үүсгэгч хоёрдогч хүчин зүйлийг Их Британийн эрдэмтэд тогтоон, ДЭМБ хүлээн зөвшөөрчээ.
Тодруулбал, Цельсийн 60 хэмээс өндөр температуртай буюу хэт халуун цайг өдөрт 700 мл-ээс дээш хэмжээгээр хэрэглэх нь улаан хоолойн хорт хавдар тусах магадлалыг 90 хувиар нэмдэг байна. Хэтэрхий халуун цай улаан хоолойг түлж өвчлөх эрсдэлийг үүсгэдэг аж.
Тус судалгаанд АНУ, Их Британийн эрдэмтэд болон Харвардын их сургуулийн эрдэм шинжилгээний баг хамтран ажиллажээ. Ингэхдээ судалгааг Ази тивийн орнуудад тулгуурлан хийсэн байна. Ажиглалтад Ази хүмүүс халуун цайг хэм их хэмжээгээр уух тохиолдол их байдаг нь тогтоогджээ.
Мөн хэт хүйтэн цай уух нь ч эрүүл мэндэд муу нөлөө үзүүлдэг аж. Иймд эрдэмтэд цельсийн 56 хэмийн буюу бүлээн цай, кофе уухыг санал болгож байна.
Манай улсад хэт халуун цайг их хэмжээгээр уух зуршилтай хүн цөөнгүй. Энэ нь аюулт өвчний эрсдэл дагуулдаг тул та бүхэн цай, халуун зүйл уухдаа бүлээсгэж хэрэглэж зуршаарай.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.