Чуулган: Эмэгтэйчүүдийн лобби бүлэг 40 хувийг зөвшилцөхөөр ТББХ-г хуралдуулж байна
УИХ-ын чуулганы өнөөдрийн /2023.06.15/ үдээс хойших хуралдаанаар Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн нэгтгэсэн төсөл болон хамт өргөн мэдүүлсэн хууль, Улсын Их Хурлын тогтоолын төслүүд /Улсын Их Хурлын гишүүн Н.Энхболд нарын 4 гишүүн 2023.04.05-ны, Улсын Их Хурлын гишүүн О.Цогтгэрэл, Д.Ганбат нар 2023.04.05-ны өдөр тус тус өргөн мэдүүлсэн/ эцсийн хэлэлцүүлгийг хийхээр товлосон.
Үдээс хойших чуулган нээж, эцсийн хэлэлцүүлгийг явуулахын өмнө УИХ дахь эмэгтэйчүүдийн лобби бүлгээс санал гаргажээ.
Тодруулбал, эмэгтэйчүүдийн квотын 40 хувийн асуудлаар УИХ-ын гишүүд, намын бүлгийн дарга нар зөвшилцөөд ТББХ-нд холбогдох санал дэвшүүлэхээр болжээ.
Энэ дагуу яг одоо ТББХ эмэгтэйчүүдийн квотыг 40 болгох асуудлаар дахин хуралдаж байна.
УИХ-ын дарга эмэгтэй нэр дэвшигчдийн квотын асуудлыг УИХ дахь эмэгтэйчүүдийн бүлэгтэй дахин хэлэлцэх шийдвэр гаргаж, чуулганы нэгдсэн хуралдааныг түр завсарлуулав.
Ташрамд, Эмэгтэйчүүдийн квотыг 40 хувь болгох саналыг МАН-ын бүлэг буцаан 30 хувь болгож, ТББХ-гоор дэмжүүлсэн билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
40 хувь болгьё.Эмэгтэй хүн улс төрд орж яахын.Ганц хоёр эмэгтэй бв�##� яасын.
Одоо байгаа эмэгтэй гишүүдээ хараач ээ, хамгийн сүүлд "хулгайч" нар улсын "үнэт зүйл" болоод дууслаа даа