Инфляц тэнгэрт хадсан Аргентин улсад өнгөрсөн сард ерөнхийлөгчийн сонгууль өгсөн. Тус сонгуулиар аль нэгэн нэр дэвшигч ялалт байгуулах хэмжээний санал авч чадаагүй болохоор дахин сонгууль ням гарагт /2023.11.19/ явагдлаа.
Дахин сонгуулиар либертариан Хавьер Милей ялалт байгуулсан байна. Тэрбээр Сангийн сайд Сержио Массатай өрсөлдөж 56 хувийн санал авснаар Аргентины ерөнхийлөгч болов. Масса “Мэдээж бидний хүлээж байсан үр дүн биш байлаа. Би Хавьер Милейтэй холбогдож баяр хүргэсэн. Маргаашаас эхлэн улсаа тэжээх хариуцлагыг Милей хүлээнэ” гэж хэлжээ.
Сонгуулийн кампанит ажилдаа Милей хэд хэдэн томоохон өөрчлөлт хийхээ амласан. Тэрбээр Төв банкийг хаан, песог ашиглахаа зогсоон, зарлагаа танах зэрэг өөрчлөлт хийх юм.
Түүний өмнө томоохон сорилтууд хүлээж буй. Аргентин Олон улсын валютын сангаас 44 тэрбум ам.долларын зээл авсан байгаа. Мөн тус улсад инфляц өнгөрсөн жилтэй харьцуулахад 150 хувь хүрэхэд ойрхон байгаа билээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.