Монголын Үндэсний Кино урлагийн зөвлөл, Кино гүүр хөгжлийн холбоо НҮТББ нар хамтран “Хархорум” олон улсын кино наадмыг арванхоёрдугаар сарын 7-12-ны өдрүүдэд Улаанбаатар хотноо амжилттай зохион байгуулж өндөрлөлөө.
Энэхүү кино наадмыг дэлхий даяар хүний эрхийг дээдэлж, аливаа ялгаварлалаас ангид бүх талаар тэгш эрхтэй байхыг баталгаажуулсан Хүний эрхийн түгээмэл тунхаг батлагдсаны 75 жилийн ой тохиож буйтай холбогдуулан “Хүний эрх 75” сэдвийн дор зохион байгуулсан юм.
Тус кино наадамд Венец, Бусан, Берлин, Токиогийн кино наадмын болон Оскарын шагналт найруулагчдын шилдэг 22 уран сайхны болон баримтат киног толилуулсан юм. Тэгвэл өчигдөр буюу арванхоёрдугаар сарын 12-нд наадмын шилдгүүд тодорлоо.
- “Шилдэг уран сайхны кино” төрөлд найруулагч Б.Амарсайханы “Эргэж ирэхгүй намар” /Harvest Moon/
- "Шилдэг баримтат кино" төрөлд найруулагч Jordan Bryon, Monica Villamizar нарийн "Шилжилт" /Transition/
- "Хүний эрхийн агуулгатай шилдэг кино" төрөлд найруулагч Thomas Cailley-гийн "Амьтны ертөнц" /The animal Kingdom/ тус тус шалгарчээ.
"Хархорум" кино наадмын шүүгч Малколм Кларкын ярилцлагыг энд дарж уншина уу.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.