“Хөвсгөл Эрчим” клуб хоёр жил дараалан аваргын төлөө шалгарлаа
Волейболын үндэсний дээд лигийн аварга шалгаруулах тэмцээний хагас шигшээ тоглолтууд үргэлжилж байгаа билээ. Тэгвэл хагас шигшээ тоглолтод учраа таараад байсан “Хөвсгөл Эрчим”, “Ховд Ижил Алтайн Барс” багуудын цувралын хоёр дахь тоглолт өнөөдөр болж өндөрлөлөө. Өмнөх тоглолтод “Хөвсгөл Эрчим” баг ялалт байгуулаад байсан бөгөөд энэ удаа мөн л ялалт байгуулснаар цувралын харьцааг 2:0 болгож аваргын төлөө хоёр дахь жилдээ шалгарч үлдэв.
Тэд өмнө жилийн лигт энэ бүрэлдэхүүнээр анхлан оролцож лигийн аварга болсон. Харин энэ жил дахин аваргаа хамгаалахаар шалгарч чадлаа.
Сонирхолтой нь “Хөвсгөл-Эрчим” багийн ихэнх тоглогчид “Хобби Эйс” багийн өмнөх бүрэлдэхүүнд багтаж байсан бөгөөд тэд хуучин багаараа мөн л хоёр жил дараалан аваргын төлөө шалгарч байсан бахдам амжилттай. Онцолбол ОУХМ Л.Хосбаяр, Г.Хонгорзул нар ийнхүү дөрвөн жил дараалан дээд лигийн аваргын төлөө шалгараад байна.
“Хөвсгөл Эрчим” баг одоо “Хилчин” болон “Тэнүүн Огоо” багуудын цуврал тоглолтод ялалт байгуулсантай нь лигийн аваргын төлөөх тоглолтуудаа хийх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.