Шинэ Үндсэн хууль батлагдсаны 32 жилийн ойд зориулсан бөхийн барилдаан өнөөдөр Монгол бөхийн өргөөнд боллоо.
Тус барилдаанд аймаг цэргийн цолтой 128 бөх зодоглов. Ховд аймгийн Зэрэг сумын бөх, улсын заан Б.Бат-Өлзий түрүүлж, Ховд аймгийн Буянт сумын бөх, улсын аварга О.Хангай үзүүрлэв.
Их шөвөгт Хөвсгөл аймгийн Галт сумын харьяат, улсын начин Ч.Батчулуун, Сүхбаатар аймгийн Онгон сумын харьяат, аймгийн арслан Н.Өсөхбаяр нар үлдлээ.
Б.Бат-Өлзий заан бөхийн өргөөнд болдог томоохон барилдаанд бүгдэд нь түрүүлж байсан ч Шинэ Үндсэн хуулийн барилдаанд анх удаа тэргүүлж буй нь энэ. Тэрбээр хоёр жилийн өмнө их шөвөгт үлдсэн нь хамгийн оргил амжилт нь юм.
Харин О.Хангай аварга өмнө нь тус барилдаанд хоёр түрүүлж байсан билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.