Монголын Волейболын холбооноос жил бүр уламжлал болгон зохион байгуулдаг үндэсний дээд лигийн аварга шалгаруулах тэмцээн улирлын турш үргэлжилж аваргуудаа тодрууллаа. Энэ удаагийн дээд лигт эрэгтэй зургаа, эмэгтэй найман баг гурван тойргийн турш өрсөлдсөн.
Тэмцээний шагнал гардуулах ёслол өчигдөр болж өндөрлөсөн бөгөөд энэ үеэр эхний гурван байр эзэлсэн багууд болон шилдгээр шалгарсан тамирчид, багш дасгалжуулагчдыг шагнасан. Тэгвэл багууд болон шилдгүүдийн шагналд мөнгөн шагнал дагалдуулж олгоогүй гэх агуулгаар олон нийт, спорт сонирхогчид шүүмжилж буй. Тодруулбал, Монголын Волейболын холбоо дээд лигт оролцож буй эрэгтэй баг тус бүрээс 10 сая, эмэгтэй баг тус бүрээс 6.5 сая төгрөгийг хураамж болгож авсан байна.
Гэсэн ч тэдэнд медаль, өргөмжлөл, цом, дурсгалын зүйл л гардуулсан гэгдэж байна. Холбооны тус үйлдлийг иргэд "Урсгал зардал их гарсан байж болох ч лиг үзсэн үзэгчдийн мөнгө болон багуудын хураамж хэлбэрээр төлсөн мөнгийг яасан юм бол" гэх зэргээр шүүмжилж байна.
Тэгвэл тус холбооны зүгээс шилдэг тамирчид болоод багш дасгалжуулагч, багуудад мөнгөн шагнал олгосон гэлээ.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
iceecei ingej sport hugjvvlehgviee, ingeheer hen togloh ym be, arcaagvi holboo we, busad holbooduud sagsan bumbgin holboogoosoo suralc bs ic
За битгий худлаа атаарх