Монгол Улсад анх удаа зохион байгуулагдсан "Nomadic Fighting Championship"тулаан өчигдөр буюу дөрөвдүгээр сарын 27-нд болж өнгөрлөө.Тус тэмцээний оргил тулаанд холимог тулааны тамирчин М.Нандин-Эрдэнэ, Тайландын тулааны тамирчин Танауит Ликитийн эсрэг кикбоксын төрлөөр NFC-ийн анхны аваргын бүсний төлөө тулалдан ялалт байгуулжээ.
Мөн тэрээр бүсийн төлөөх тулаандаа оролцохоор дэвжээн дээр гарч ирэхдээ "Ice top" хамтлагийн дуучин Б.Оргил-Эрдэнийг дурсан, хүндэтгэл үзүүлж "Энэ миний хайр" дууг эгшиглүүлэн гарч ирсэн юм.
Энэхүү спортын олон төрөлт тэмцээнд Узбекстан, Киргизстан, Украин, Тайланд, Казакстан, ИБНВУ-ын чансаа өндөр, шилдэг тамирчид оролцсон. Харин уг тулааныг олон улсын шилдэг шүүгчид ирж шүүсэн байна.
Харин бүсийн аваргыг авсан "Ока" хочит М.Нандин-эрдэнийн хувьд Солонгос улсад ажиллаж амьдардаг ба монголын шилдэг холимог тулаанчдын нэгт зүй ёсоор багтах тамирчин юм. Өдгөө Ази, Номхон далайн бүсийн чансаагаар нийт тулаанчдын дунд 97-р байранд, хөнгөн жингийн ангилалд 19-р байранд бичигдэж байна. Карьертаа 16 ялалт, 9 ялагдалтай байсан тэрээр энэхүү тэмцээнээр ялалтын тоогоо нэгээр нэмлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.