Вьетнамд нэгэн эрэгтэй 19-20-р зууны Нгуен гүрний үед ашигладаг байсан хааны сэнтийн гарын түшлэгийг хугалсан хэрэг гарчээ. Тус сэнтийг Вьетнамд үндэсний эрдэнэ гэдэг байна. Тэр эрэгтэй бямба гарагт /2025.05.24/ баривчлагдсан гэж Вьетнамын төрийн өмчит телевиз мэдэгджээ.
Нгуен гүрний үед тус улсын төв бүсэд оршдог Хуэ хот үүсгэн байгуулагдсан юм. ЮНЕСКО-гийн мэдээлснээр тус хот Нгуен гүрний нийслэл байжээ. Хотын орнууд болон булшнууд зэрэг хэд хэдэн дурсгалт газрууд нь ЮНЕСКО-гийн дэлхийн өвд бүртгэлтэй.
Бямба гарагт Хуэ хотын хамгийн чухал байгууламжуудын нэг болох Тай Хоа ордонд тэрхүү хэрэг гарчээ. Тус өдрийн орон нутгийн цагаар 12:00 цагийн орчим их хэмжээгээр согтуурсан эрэгтэй ордны олсоор тусгаарласан хэсэг рүү нэвтэрч, сэнтий дээр суусан байна. Үүний дараа тэр орилж, зүүн гарны түшлэгийг хугалсан гэж “Vietnam News” мэдээлжээ.
Уг явдлын дараа үндэсний баялгийг хамгаалахад онцгой анхаарч, хөшөө дурсгалын бүх цогцолборт аюулгүй байдлыг чангатгасан гэж тус хэвлэл мэдээлсэн юм.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Манайханаас арай биш биз аан?